成日都想食酸菜魚，今日終於俾我地搵到間好食既酸菜魚😍主打川菜既麻辣風雲，其中一樣招牌葉就係酸菜魚喇，有唔同辣度可以選擇。 酸菜魚268招牌既酸菜魚勁大碗，魚肉一睇就知道好嫩滑，又已經去左骨，仲有勁多配料例如芽菜，寛粉，萵筍，豆卜等等，個湯既酸度同辣度岩岩好。寬粉煙韌有咬口，配埋吸哂湯汁既配料愈食愈惹味。 炸饅頭58除左酸菜魚，仲有好多小食可以叫，我地叫左個炸饅頭，估唔到佢係勁霸氣咁成隻船上😂仲有d“仙氣”吹出黎梗係要即刻打卡。有4款醬可以點，不過最夾既都係經典既煉奶，饅頭影完相依然內軟外脆，好快就食哂。 川式回鍋肉108回鍋肉都係十分之大碟，岩岩炒起熱辣辣，豬肉同椰菜都炒得好入味，朋友大讚調味相當好 糍粑58糍粑比較少見，面頭鋪左黃豆粉，炸到外面香脆，入面軟糯煙韌，配埋甜甜地既黑糖醬，係個唔錯既甜品。 涼拌雞絲粉皮68味道同份量正正常常，個醬係偏花生醬既味道，同上面幾款特色菜色比就失色少少 。。麻辣風雲荃灣海壩街108-114號荃碧大廈1樓。。
