相信唔少係過俄羅斯旅遊既人都會覺得好麻煩，其實主要宦係言語不通既問題。再者，坐西伯利亞鐵路橫跨歐亞呢個陸路線，相信唔少人都好嚮往呢段旅行路線。由於一切實在太過複雜，有見及此，筆者決定要過來人既身份，教下大家點樣去應付呢一齊既麻煩，可以好好享受呢一段橫跨西伯利亞鐵路之旅。 本篇主要係講由蒙古去到俄羅斯既路線，途經城市如下： 俄羅斯鐵路官網： http://rzd.ru/ 上網買飛其實好簡單。 第一步係用Google translate由俄文轉做中文／英文就睇得明個網頁。 第二步就係登記入會。 第三步就係開始簡火車飛同時間。官網既時間都係以莫斯科時間作準，自己醒醒定定就唔會買錯時間啦。至於座位等級既俄文，下面會講。 第四步就係搞掂哂ｄ野之後就列印張單出黎，帶住佢連同護照去火車站拎飛。 A. 蒙古：扎門烏德 Zamyn-Üüd - Замын-Ууд - GMT+8 B. 蒙古：烏蘭巴托 - Ulaanbaatar - Улан-Батор - GMT+8 C. 俄羅斯：烏蘭烏德 - Ulan-Ude - Улан-Удэ - GMT+9 D. 俄羅斯：斯柳江卡（貝加爾湖）- Slyudyanka - Слюдянка - GMT+9 E. 俄羅斯：葉卡捷琳堡 - Yekaterinburg - ЕКАТЕРИНБУРГ - GMT+6 F. 俄羅斯：莫斯科 - Moscow - Москва - GMT+4 G.俄羅斯：聖彼德堡 - Saint Petersburg - Санкт-Петербург - GMT+4 *香港係GMT+8 方便大家拎過印象，其實係有需要Translate做英文同埋俄文，同埋個time zone。 時間表：（係烏蘭巴托既跨境火車站拎既） 以上既全部都係莫斯科時間。我果時係由烏蘭巴托出發，去到烏蘭烏德。開車時間係莫斯科時間13:50（當地時間17:50）；到達時間係莫斯科時間03:19（當地時間08:19）。 火車票介紹： １.蒙古國內火車飛 其實蒙古國內既火車飛好簡單好易睇，用呢張黎做參考啦。 時間係2013年6月17日既中午12:03PM，由中蒙邊境扎門烏德去到首都烏蘭巴托，全程係要坐15個鐘（張飛無寫），盛惠9600蒙古幣（43蚊港紙）。 2. 蒙古 - 俄羅斯跨國火車飛 *就算係蒙古入面買跨境既火車，都係以莫斯科時間為準。 呢張係由蒙古首都烏蘭巴托＝＞俄羅斯烏蘭烏德既火車飛，呢度寫住13:50開車，其實係烏蘭巴托時間既17:50開車（烏蘭巴托GMT+8，莫斯科GMT+4）。 *記住，千祈唔好係蒙古入面買／問俄羅斯國內火車飛。筆者既經驗：我係試過去到跨國鐵路中心問Staff有無俄羅斯國內火車飛可以俾我買住先，佢地都話無哂飛，仲老點你去搭巴士。好彩我無上當相信佢地，我拿拿聲上去俄羅斯官網睇下有無飛，結果係仲有好撚多。 3. 俄羅斯段 - 西伯利亞鐵路火車飛 1. 列車號碼 2. 火車類型 3. 發車日期 4. 發車時間 5. 車廂號碼 和 等級 （係俄羅斯火車既車廂等級入面，分一等，二等，三等同埋普通。一等係分兩床臥鋪（л）同埋四床臥鋪（M），兩者皆有淋浴；二等車廂（K）係四床臥鋪，無淋浴；三等車廂（П）係開放式臥鋪；最後普通車廂（O）係硬座咁解。 6. 三等以上車廂增補款 7. 三等以上車廂額外費用 8. 使用此票的人數 9. 旅行者類型 10. 起點站 - 到達站 11. 床號 12. 護照號碼和乘客名字 13. 車票總價 14. 稅務或服務費 15. 到達日期 16. 到達時間 *所有到達日期和到達時間，以莫斯科時間為準。 用呢張火車飛係例子： - 列車號碼 - 75號 - 火車類型 - n / a - 發車日期和時間 - 6月28日 01:29 AM （係葉卡捷琳堡既時間應該係03:29，因為莫斯科係GMT+4，葉卡捷琳堡係GMT+6） - 車廂號碼 - 12號，等級係三等車廂(П)。 - 三等以上車廂增補款：1484.3 Rouble；三等以上車廂額外費用：927.5 Rouble 使用此票的人數 ：一人 - 旅行者類型：成人 - 起點站 - 到達站：葉卡捷琳堡＝＞莫斯科 - 床號：012 - 護照號碼和乘客名字：n / a - 車票總價：2411.8 Roubles (HKD 527.69) - 稅務或服務費： N/A - 到達日期和時間：6月29日 04:41 AM （莫斯科時間） 就係咁，以上火車既資料就一目了然。大家睇左呢個解釋，以後要坐俄羅斯西伯利亞鐵路就輕鬆得多啦。 最後，簡單講講剩係呢一段路線係要洗幾多錢。 蒙古：扎門烏德－蒙古：烏蘭巴托 （普通硬臥位－約１５小時） ＝9600 Mongolian Tughrik (43 HKD) 蒙古：烏蘭巴托－俄羅斯：烏蘭烏德 （一等位－約１３小時） ＝47400 Mongolian Tughrik (212 HKD) 俄羅斯：烏蘭烏德－俄羅斯：斯柳江卡（貝加爾湖） （普通位－約５小時） ＝436 Roubles (95.4 HKD) 俄羅斯：斯柳江卡（貝加爾湖）－俄羅斯：葉卡捷琳堡 （三等位－約５１小時） ＝4544.5 Roubles (994.5 HKD) 俄羅斯：葉卡捷琳堡－俄羅斯：莫斯科 （三等位－約２２小時） ＝2411.8 Roubles (527.8 HKD) 俄羅斯：莫斯科－俄羅斯：聖彼德堡 （普通位－約８小時） ＝715.1 Roubles (156.5 HKD) Total : 2029.2 HKD
