灣仔位於香港島北岸的中央位置,而根據18區行政區劃分,【灣仔區】包括了灣仔、銅鑼灣和跑馬地、大坑等地區,屬香港最早發展的地區之一。 近年,灣仔區頗多舊建築都進行了「活化」工程,上圖的灣仔舊街市便是其中之一,今日已變身成商店,上方則為私人住宅【壹環】;下圖則為新建的灣仔街市。 灣仔區新舊並存,加上港島特色交通工具-電車,形成一幅美麗畫面 1980年落成的「合和中心」樓高66層,曾經是香港最高的建築物。而合和中心最為人認識的,相信是已結業的「R66旋轉餐廳」。餐廳可作360度轉動,每位食客均可飽覽維港景觀,曾一度成為旅客熱門遊覽的景點之一。 利舞臺原是香港一間著名戲院,曾用作粵劇、歌劇及演唱會,甚至香港小姐比賽場地,於1991年拆卸後,已重建成上圖利舞臺廣場。 【太原街】位於灣仔的太原街充滿特色,兩旁是香港賣少見少的排檔,售賣貨品五花八門,家品、服裝、家居佈置、食品…,一應俱全 太原街部份店鋪已開業多年,包括了這間有點名氣的「蛇王燊」 太原街滿佈玩具店,是不少玩具發燒友的寶地,是深水埗福榮街以外,另一條玩具街 【利東街】 利東街,俗稱囍帖街,昔日是著名印刷品製作集中地,尤其以印刷喜帖著名。近年,利東街已重建成一個富歐陸風味的小區,內有露天茶座、餐廳及潮流品牌等,是灣仔新的聚腳點之一。 利東街雖已重建,部份裝飾佈置仍保留婚嫁主題,算是為以往的囍帖街留下一點痕跡 【和昌大押】 逾百年歷史的和昌大押位於灣仔莊士敦道,由4幢相連的唐樓組成,樓高四層,於2009年評為二級歷史建築 過去是老當鋪的和昌大押,現在已完成保育及翻新工程,活化成高級生活用品店及,高級英式酒吧、餐廳The Pawn,惟外牆「和昌大押」四字保留至今仍然清晰可見。 【灣仔We嘩藍屋及香港故事館】藍屋原址曾是一所醫院(華佗醫院) ,為香港一座歷史悠久的唐樓,現已被列為香港一級歷史建築。 1990年代,香港政府為藍屋外牆髹上油漆時,因物料庫只剩下水務署常用的藍色油漆,整座藍屋便髹成藍色,從此「藍屋」便成為這個建築群的別稱。 藍屋地下有一所「香港故事館」,前身為灣仔民間生活館,館內展出豐富的歷史民間的生活用品,參觀費用全免,惟星期三及公眾假期休館。各位去藍屋打卡之餘不妨去參觀 ,了解更多灣仔的文化。 灣仔區既然包含「銅鑼灣」,我哋當然會介紹呢個熱鬧嘅地區啦!一提銅鑼灣,大家自不然諗起Sogo。 Sogo對出嘅行人過路處,一定係全香港最繁忙嘅路口之一。呢個過路處大家一定唔陌生,因為唔少電影、電視劇,都會嚟呢道取景 近年大熱嘅香港男團Mirror,其中最受歡迎嘅成員亦係居住於銅鑼灣。呢幾年每逢佢4月30日生日嘅日子,數以萬計嘅粉絲都會聚集喺銅鑼灣區為偶像慶生,人山入海甚為壯觀【松本清】 日本藥妝對港人可以話有一股不可言喻嘅魔力,唔少香港人甚至列日本為旅行首選地,每次前往都大手入貨而回。 松本清係近年攻港嘅日式藥妝連鎖店,其中旗艦店就選址Sogo百貨隔離。雖然叫藥妝,但售賣嘅又豈止藥物同化妝品? 松本清其實仲有好多零食、日用品、家居清潔用品等等,唔止價格便宜,使用效果良好,加上「Made in Japan」呢個光環,令松本清一嚟香港就成為港人潮聖地。 【誠品書店】 誠品書店係台灣大型連鎖書店集團,喺香港、中國大陸、日本及馬來西亞亦有分店,初期以販售藝術人文方面的書籍為主,現在逐步轉型為綜合型書店 如果你以為書店只係賣書,咁就大錯特錯啦!誠品除咗唔同類型嘅書本,仲有大量食品、精品、擺設、用品,以至時裝、奢侈品都有,而且全部都係講求設計與質素並重,務求打造成一個富品味氣質嘅品牌 【美食集中地~大坑】 香港嘅商場,入面嘅餐廳通常都被連鎖集團佔據,要搵啲有特色嘅餐廳、小店,就要走入小區。而鄰近銅鑼灣嘅大坑呢個小區,每條街都隱藏咗唔少特色餐廳 呢度嘅餐廳,既有走高檔高級路線,亦有貼地親民小店,惟共同點就係一定要有返咁上下實力,先能夠喺呢個臥虎藏龍嘅小區生存 小編們拍攝當日,就喺一間網絡上有點名氣嘅小店「民聲冰室」,一試佢哋嘅名物「肉餅山」同手撕雞,味道不錯,可以一試! 餐廳資料:民聲冰室為您拍攝及報導的小編:林錫籌;汪錦碧;張敏賢;梁詠嫦;梁翠蓮;陳翠嫻;麥挽容;盧文生