成個香港總共劃分成18個行致區,位於九龍西北部嘅「深水埗區」就係其中一個。一講深水埗,一般人只會諗欽州街至界限街一帶。但其實「深水埗區」呢個行政區,包含咗七個區域,包括美孚、荔枝角、長沙灣、深水埗中、石硤尾、又一村,同埋西九龍填海區! 深水埗地標之一:嘉頓麵包廠 後面嘅「嘉頓山」,更加係歡賞日落,同埋俯覽九龍西美景嘅絕佳地點電腦用品集中地「黃金商場」,相信係每一個電腦玩家,都曾經去過嘅地方。呢度除咗有「牌子機」,仲可以俾玩家買唔同嘅器材零件,小至一條上網線,大至幾廿吋大螢幕,都可以自己話事,砌出一部自己專屬嘅夢想「頂級神機」! 深水埗除咗係電腦用品集中地,亦係好多唔同類型貨品嘅尋寶地,所以呢個區,經常吸引到唔同嘅人前來。 青山道一帶,有唔少成衣嘅批發點。雖然話批發,但唔少商店兼營零售。呢個年代,$20一條時尚連身裙,邊度搵?價錢平、款式多,吸引唔少人前嚟光顧,週末更加人頭湧湧 鴨寮街 (電子街)售賣五金工具、影音及二手貨品為主,亦係電子零件及產品的集中地,貨品平其他地區不在話下,想搵冷門嘅工具、零件,相信都只能夠嚟呢度啦...當然淘寶除外😆除咗五金用品,呢度仲可以話係各類電話卡、數據卡嘅重鎮,想去外地旅行又想上到網,不妨到呢度買張外地數據卡,唔同日數、流量計劃,緊有一款啱你~ 福榮街 (玩具街)福榮街除咗批發玩具、精品,仲有唔少文具、裝飾品。呢度嘅商鋪亦「與時並進」,每逢唔同節日臨近,都會推出唔同應節產品,中秋節就變成 [燈籠街],農曆新年就成街新式揮春、賀年佈置 西九龍中心(欽州街)呢個1994年開幕嘅商場,樓高9層。西九當年非常巴閉,除咗佢係九龍西少見嘅大型商場,仲因為佢設有香港第二座室內過山車-「天龍過山車」 過山車軌道架設於商場頂部,車身於商場峽小空間穿梭,刺激新穎,曾吸引唔少人朝聖。雖然過山車已停用多年,不過車軌仍在,遊客可以想像當年景況 深水埗除咗上述打卡點,其實成個深水埗都仲係尋寶聖地,有唔少特色商戶、舊式小店存在,大家都不妨去行下走下 北河街著名舊式餅店:生隆餅家 想食傳統石磨腸粉,唔使落手推嘅,有機器代勞㗎啦^^ 買少見少嘅舊式理髮,仲可以喺深水埗搵到 小編order嘅「即蒸籠仔海鮮飯」,用料豐富,份量足夠兩個人享用,竟然唔使$100!😋🤓餐廳資料:鳳皇居小菜館本誌開首話,「深水埗區」仲包括咗石硤尾...一個因為1953年大火,而誕生全香港首個公共屋邨嘅地區 以前嘅屋邨,大家只記得幾多座,反而唔記得叫乜乜樓 大坑西邨,其中一條最舊嘅房協屋邨 石硤尾屬舊區,亦多私營長者院舍。上圖大廈兩層皆為院舍,外牆嘅冷氣裝置甚壯觀 石硤尾近年大搞重建,以往嘅7層大廈變成幾廿層高樓 新、舊大廈同處,形成強烈對比 石硤尾唔少大廈、工廈,被活化改建,【賽馬會創意藝術中心】是其中之一 藝術中心由7層工廠大廈改建,聚集不同藝術家在此發展藝術工作 在此可以一窺以往舊式七層大廈面貌 古老電子磅,磅重後有一張厚厚嘅記錄卡,係咪你嘅集體回憶之一? 大廈內有唔少藝術家進駐,所以周圍都充滿藝術色彩,到此閒遊,可會激發你嘅藝術創意? 拍攝當日,地下嘅「光影作坊」有攝影展覽,值得一看 比鄰石硤尾嘅高級商場「又一城」,雖位處九龍塘,但同屬「深水埗區」行政區 連接又一城嘅行人隧道,極有科幻感,可直達【九大】之一嘅「香港城市大學」 為您拍攝及報導的小編:林錫籌;汪錦碧;張敏賢;梁詠嫦;梁翠蓮;陳翠嫻;麥挽容;盧文生