我家WINGAL 終於住到預產期7月2日肯check out喇!生嘅過程仲好戲劇化添，遲啲再慢慢紀錄返襯而家出左院幾日, 仲係記憶猶新分享返個個待產媽媽好擔心嘅「走佬袋」pack左啲咩因為疫情嘅關係，無得探訪，就算等屋企人拎物資黎，閒閒地都要等2-3個鐘先送到所以個走佬袋變相要帶定多好多野 等我分享下幾樣我覺得有用嘅野啦﹕(廣華醫院)入院一刻，姑娘會叫你喺走佬袋執一堆野出黎因為喺待產房係無咁多位放野只會俾個大膠袋你入住呢堆野，其餘個走佬袋佢地會幫你鎖起1. 產婦衛生巾2包 (預穿水會用好多)2. BB尿片2條 (有試用裝就PERFECT)3. 網褲或舊底褲數2-3條 (預穿水會污糟可以掉)4. 抽取式紙巾 (自己用)5. 口罩/ 口罩套6. 即場換埋拖鞋7. 超細袋仔/腰包 (未生得時行黎行去袋住電話)8. POWER BANK (由於唔知要玩幾耐先生得，帶定1-2是好重要的) 至於其他貴重物品，手袋，証件，都可以叫先生KEEP返 其實上網SEARCH，都會有好多走佬袋嘅參考但始終間間醫院做法都唔同，而且每個產婦經歷都唔一樣，但又唔洗太擔心驚執漏嘅，醫院大把物資我自己就整合左張LIST，主要分開個人物品及入院資料、個人用品及BB用品、防疫用品，另外就係一個出院物品袋 隨住時代嘅進步，今胎走佬袋我除左帶左一包產婦M巾，我仲帶左「安睡褲」之前遇著佢買一送一超抵^^同埋生完直接當底褲著，又唔怕漏係好方便另外，今胎喺TB 買左個好好用嘅沖洗瓶，彎頭設計就唔洗怕唔就手，頸都梗埋用過有比較就知香港買到粉紅色嗰個真係唔太好用我仲特別準備一個防水手提袋仔係去廁所用嘅 咁就可以一次過袋哂要用嘅物品啦，唔怕整污糟入面嘅野，個袋用完又可以清潔返而個袋入面我會準備嘅有﹕1. 沖洗瓶2. 濕廁紙3. 廁所墊4. 消毒紙巾5. 面紙6. 產婦M巾/安睡褲 最後仲有一樣好緊要…..就係乾糧好似我咁凌晨入院，然後玩足24小時先生得醫院提供3餐嘅時間大約係7AM，12PM，6PM之後仲會俾一盒牛奶同一包兩塊嘅梳打餅其實成日KEEP住陣痛嘅我係好難瞓得著，而且會超肚餓所以帶定餅乾或者麵包，蛋糕係無錯咖! 如果想要FULL LIST嘅走佬袋物資作參考，可留言話我知各位媽媽都要加油呀!。。。Follow usInstagram @dearmigalHttps://www.instagram.com/dearmigalFacebook @頤貴妃吉祥Https://www.facebook.com/dearmigalYouTube @DearmigalCHttps://bit.ly/DearmigalC著數優惠群組 @妃媽飛媽著數團購Https://bit.ly/Migalhappyshare
