第二日要一早7點17分趕搭2個鐘頭去長崎,真係我的天。 本身真係真係真係無諗過去長崎, 一來車程長,已經係去到台灣又捷番香港嘅距離, 二來我要6點15分起身,我真係鬧左ZX一餐做咩去旅行仲要辛苦過番工 (雖然最後我地熜左鬧鐘,6點45先醒,真係嚇死), 三來長崎多歷史建築,如果你有興趣咪去囉,不過我讀左咁多年歷史就有啲... 四來係一個弱智嘅原因,始終二戰過左只係約60年,長崎有一個不能磨滅嘅心理障礙。 而決定去長崎嘅原因,我只有一個,就係ZX上次欠我一個三大夜景之神戶,佢話用長崎作補償。 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 當7點出門趕到死咁跑到福岡站上車時,依個時候先發現係有可能指定席係唔連位,去搵自由席又已經無晒位,要分開坐兩個鐘,早餐買咗都食唔到,老實講我嬲到爆。 因為分配指定席平均差唔多一人坐兩個位,但點解偏偏我地唔係=_____= 第一日坐嘅九洲鐵路係787 而前面有兩個連位無人坐,ZX又要作無謂堅持話會有人中途上車坐。鬧交我就唔講內容啦,我唔理佢乜都坐落去就算,好彩最後全程無人坐而我坐左啊!!! :evil: 嬲嬲豬 一落到長崎站一定要吸番啖有幅射嘅空氣先啦! 咁點解咁早去長崎都有原因嘅,就係要就時間去~~企鵝館!!! ZX&BO去旅行都會留意附近有冇海洋館/企鵝館,如果香港有得養企鵝,我地一定會養番一隻嘅(雖然好腥) 長崎企鵝館其實仲要再搭15分鐘去...咁唔想睇餵企鵝可以唔使咁早嘅。 BoyGod搵緊路 到啦到啦~!需時都幾耐,真係有心人先好去… 長崎依間企鵝館雖然無得俾你摸企鵝,但都好近距離咖!其實摸到,但係我怕佢咬我... 仲有一個位係介紹企鵝bb咖!!!好搞笑lol 其實最早去就係睇餵企鵝!!短時間都餵得好多次!! 仲有個位係摸下海星,海參,海膽同寄居蟹。以前有養過寄居蟹,見到依度好多蟹蓋俾佢地換都好開心~但就有大陸團成隻攞起左海星影相,好嬲!! 依張要放大好多先睇到!!就係遠處係有企鵝係海中間游水!!!!!有人特登去放企鵝出海游水咖LOL 去完企鵝BB都11點幾,要去追車出番去長崎中心嚕~下一個地點梗係去睇Glasses Bridge眼鏡橋啦。雖然有傳依個設計係由中國傳過去,但中國都已經無乜機會再見到依種設計。 橋上仲有好多紫陽花(即係繡球花),比唔上沖繩花海但都種得好靚啊!!而且遇上紫陽花季,花開又無花謝,好靚=) 仲好多唔同顏色咖~! 眼鏡橋近睇係普通中國石橋 我影到ZX幾靚仔~ 佢影到我........... 因為依日好少水,所以倒影睇唔到個眼鏡樣。河水好清,清到我見到啲錦鯉魚同數龜龜lol上番橋上面可以食花型雪糕啊~!書寫得好出名又好靚,但係我見唔到…不過150yen試下無妨,姐姐都好識做,我地影相佢會行開一邊(見圖2),花型睇圖1,因為個雪糕俾我一咬就食左lol 圖1 圖2 其實依度後面好多寺廟,但無可能一間間去,都有成幾十間,係以前古代傳落黎,所以都係唔去啦,依啲留番京都先。 行完都係好早,就係時候繼續食食食~~~去長崎龍馬之道!ZX唔知點解咁鍾意龍馬… 我地直接從眼鏡橋行到長崎龍馬之道,中間有一間甜食必推嘅係長崎蛋糕雪糕 龍馬之道 Castella即係出名嘅長崎蛋糕而依間係長崎蛋糕雪糕 長崎雪糕蛋糕~! 入面個雪糕真係好硬,店員會叫我地放5分鐘先食,我諗住天氣咁熱5分鐘可以變短啲,但事實上肯定要等more than 5分鐘。 我地買左長崎限定嘅批杷味 係幾好味嘅,不過偏甜。後來發現係所以長崎甜品都偏甜。 之後行左去千歳町搵文明堂本店同行過啲嘅福砂屋,但後來廢事攞住行晒全日就建議大家番福岡之買,福砂屋係機場都有!文明堂本店對面有岩崎本舗出名角煮まんじゅう,但係果時勁飽,ZX&BO都食唔落啦。Lunch係要食,但都行下街先啦,就快飽死啦~~~ 人地話似東波肉 對面就係文明堂 後來ZX講起想要配眼鏡,所以我地去左JINS!!!又諗起肥翔代言lol 啊~~~~日本配眼鏡好平啊~~~~~~~!日本服務一流就唔講啦,但眼鏡有啲框款無貨就so9sad了,而且散光去到一個點就要特登配,要等,如果唔係就幫你較大啲度數去遷就,ZX話唔等喎…咁啱食間分店有個中國店員,可以用普通話溝通,但佢識視光仲使乜去日本做 8-OO依一點,我有所保留。即係眼鏡鋪未必係最專業嘅視光師,因為上次去大阪見到佢地係有本地視光專科醫院,日本人多數係會有度數係手再出去配眼鏡,而依個服務方便只要解決基本近視遠視問題嘅人。依個話題遲啲再開post講~ 搞完一大輪之後,只要俾錢再等30-45min就可以返去攞啦~!我行完一轉藥妝都夠鐘啦lol 買完野又攞完眼鏡原來都下午2點幾啦~!Lunch決定左去食~~~~長崎出名嘅土耳其飯! 點解長崎會出名#土耳其飯呢?咁其實#原爆之前長崎係#坂本龍馬做#維新改革嘅重要基地(係啊,即係比中國果個晚清改革更成功果個啊),又引入好多外商同#外來文化係長崎,結果就係#hashtag嘅變晒做長崎特色。其實……我覺得長崎除左原爆點之外其實都無乜出名… 上網google search"土耳其飯 長崎"第一間就係ツル茶ん土耳其飯!咁唔使諗直接就依間!個位都幾奇怪,因為左右兩間都係同集團,不過左邊落地下層係食素,右邊先啱! ZX后面有好多介紹 土耳其飯特色係有飯又有面,好好食^^ *要注意Lunch Hour Last Order係下午3點,我地2點45分去到都仲有! 食完就出發去下半part,一齊去吸幅射(誤!)不過真係去原爆點,點解我真係去……和平紀念公園… 日本版天人合一(?) 無JJ睇 要行過去原爆中心啦Cry……雖然你會覺得我好無聊,不過無論點我都唔會行過去果個位咖啦!你試下女人行過去而如果懷孕後個胎唔係有問題,你再同我講。 至於長崎嘅浦上天主教堂其實好遠,我地係山上睇完就算 後來未落山 ZX又要做「正事」就去左TSUTAYA等佢大半個鐘, 係長崎中心間TSUTAYA居然俾我依頭FB睇完果頭就搵到…水樽小底褲!!!仲要係最靚嘅粉紅橫紋! 依間TSUTAYA好得意 6點進入今日嘅主題去睇夜景!!今日夕陽應該都7點,所以都要約一個鐘去!去到依個位我地就轉搭電車入去稲佐山,再加上行錯小小路,搞左好耐…仲要行草,真係嚇死… 終於行到果座稲佐山,不過仲要行上寺廟再去搭纜車。仲要行山真係嚇死我,已經行到就快死…好在唔太耐,上到去就見到纜車買票站,趕到纜車啦! 其實搭5分鐘左右就到山頂,不過唔搭纜車搭巴士又要好耐… 山上有座電視塔 會因應月份而變色的 點擊圖片放大 +3 影出來無香港咁靚,但稲佐山自然好多,好多blogger話都唔算3大夜景,親身去睇又ok喎,起碼高啲而睇多啲,香港山頂比較低,而且睇完都係你買唔起嘅樓…加上日本空氣清新好!多!記得着多件衫… 8點幾落山啦,落完山等巴士番長崎站~不過9點半要趕新幹線,如果唔係下一架11點 :twisted:再加上2個鐘車,番到去都11點幾~最後買7仔上新幹線食就算,我覺得7仔好食咖=D!仲要加多一杯Starbucks Strawberry Frappuccino 日本限定! 點擊圖片放大 +3 係長崎最大收獲是~~~幸運之筆!諗住行到無多陣就入左去tokyo hands,咁就俾我搵到啦!可能係長崎少人吧,仲要俾我關門前買到=P