米芝蓮一星餐廳廚魔名人坊同川川以破天荒「舖中舖」形式進駐時代廣場, 其中川川除咗食到兩大殿堂級川菜名師主理既川菜外, 仲提供埋多個部位既騸牯牛做打邊爐, 菜式真係非常豐富. 🍽️ 水煮海鱸魚 $318鱸魚片肉質彈牙鮮嫩, 香辣既湯底都唔會搶走鱸魚既鮮味. 水煮鍋底仲有鴨血同薯粉, 鴨血非常嫩滑, 薯粉口感煙韌同水煮鍋既味道好夾. 🍽️ 招牌辣子雞 $298辣子雞煮得非常入味, 每粒雞肉都充滿麻香, 而且炒得非常乾身, 完全唔會覺得油膩, 麻辣愛好者一定會鍾意.—————————————————————🍲火鍋 🍽️ 湯底 - 胡椒蘿蔔豬骨鍋鍋底非常足料, 用咗超大舊豬骨去熬製, 配搭淡淡胡椒香,唔會套過濃味, 唔怕會搶走火鍋料原本既味道. 🍽️ 騸牯牛雙併 $768餐廳8種不同騸牯牛部位選擇, 當中我地揀咗挽手同吊龍, 係兩種截然不同不既口感, 挽手雪花紋理均勻, 入口腍滑甘香, 吊龍肉味非常濃郁, 肉質軟滑. 🍽️ 響鈴 $68炸得香脆, 浸落火鍋剛好索哂湯底既香味.—————————————————————🧆小食 🍽️ 百花油條 $108油炸鬼入而釀咗非常彈牙既蝦滑, 加上剛炸起酥脆既油炸鬼, 非常好味. 🍽️ 咖哩小食 雙併 $48揀咗魚蛋、牛柏葉, 牛柏葉非常軟淋入味, 咖哩既味道亦都調得唔錯.💡川川 銅鑼灣勿地臣街1號時代廣場11樓1102號舖
