串燒最平$10就食到, 連西班牙五花腩都係$10, 其他大部分串燒都唔過$30, 估唔到中環串燒店價錢竟然咁抵! 🍽️ $10串燒區必食一定係鹽燒西班牙五花腩, 肥瘦分明, 肉質唔會燒到太乾柴. 另外仲叫咗蜜糖燒菠蘿, 酸甜酸甜味道好開胃. 另外仲有惹味燒雞腳筋, 又有芥蘭頭、牛油粟米等, 都係$10, 真係好抵! 🍽️ $15串燒區味噌松板豬 ｜豚肉荔枝卷連松板豬都係$15串, 入口食到細密既油花香, 加上味噌更加惹味. 豚肉卷入面包住既荔枝大粒又清甜, 入口juicy爆汁. 另外仲有黑松露燒雞肝、雞軟骨、墨魚鬚等都係$15. 🍽️ $20串燒區鹽燒雞腿肉｜紫菜鵪鶉蛋卷大推佢地個雞腿肉, 超厚肉而且肉質嫩滑, 表皮又燒到小小脆口! 鵪鶉蛋卷係用豚肉包住鵪鶉蛋, 上面再淋上沙律醬同紫菜, 都好惹味. $20區仲有雞中翼、燒雞皮等, 仲有個麻糬豚肉卷都好試！ 🍽️ 蒜蓉菜脯燒元貝 2隻 $48 元具都幾大隻, 面頭加上大量蒜蓉同菜脯, 仲有粉絲配襯. 🍽️ 蒜蓉燒蠔 2隻 $48蠔身仍然保持juicy, 外焦內嫩, 蒜香味濃郁, $48有2隻真係好抵食. 🍽️ 山椒鰻魚汁燒白鱔 $48白鱔口感彈牙, 肉質鮮味, 加上燒至焦脆既魚皮, 勁好食! 🍽️ 咖喱牛舌菠蘿包 $58必叫之選, 見網上面好多人都推薦呢個, 菠蘿包烤至香脆, 入面夾住流心煎蛋同咖喱牛舌, 牛舌每片都有一定厚度而且非常入味, 難怪咁蛋人推薦. 🍽️ 焦糖雪糕三文治 $48另一個必叫之選, 麵包加糖一齊烤, 做成焦糖麵包既效果, 味道香甜酥脆, 再夾住雲呢拿雪糕, 有冰火雙重口感, 鍾意食甜品一定要叫呢個!💡人生有限杯.串燒店 中環九如坊6-10號地下C號舖
