講到麻辣火鍋，重慶「劉一手」絕對係老饕津津樂道嘅好選擇！最近小編發現劉一手喺又一城正式開店！據說今次同過往不同，新店屬直營店，無論食物質素或質量都更有保證！食材用上和牛、龍蝦、魴鮄、刺身……等矜貴材料，仲有破格新增一系列丼飯、壽司及涼菜，似乎有意洗去舊形象，實行全面升級！😋 ✦ 奔馳鍋 HK$304（以單味湯底嘅半價計算） 一行幾個朋友，個個口味唔同，所以揀咗有三個湯底隔嘅奔馳鍋，我就當然揀招牌一手辣方麻辣紅油湯底！至於不愛辣嘅朋友就揀養生滋寶花膠螺頭燉雞湯及皮蛋芫茜湯。值得一讚係，店內嘅招牌重慶麻辣湯底，麻辣膽都係由重慶本店直送，以4種乾濕辣椒、花椒、紅油炒成，再加辣椒乾、花椒和骨湯做湯底，分4個等級辣度，啱晒唔同程度嘅麻辣控！當湯底滾起，牛油香及花椒麻香直湧鼻子，食上口，辣勁與麻痺感散布整個口腔，好正！ ✦ 劉一手招牌三拼 HK$638火鍋點少得肉？原來劉一手嘅類類拼盤都係好似獎牌咁送上！第一次見咁嘅presentation，真係好特別！打卡100分，不過放得耐會有血水，影完相還是平放較好！😂 呢款三拼分別有三角腩、牛小排及黑豚肉，肉質無礙係用足靚料，肉類鮮味彈牙，無咩可挑剔。 ✦ 鮮海蝦（2隻）、蕃薯蜆（4隻）、新鮮爽白鱔（2片）、新鮮魷魚仔(2隻）朋友好愛海鮮，所以我哋就樣樣order咗啲，最鍾意白鱔，肉質夠彈牙，好有咬口，品質唔錯。蕃薯蜆及則鮮海蝦鮮甜飽滿，簡單點醬油就好好味。 ✦ 招牌劉毛肚 HK$98毛肚係劉一手必點嘅配料！比起普通黑柏葉，足足有手掌咁大塊，質感亦較軟熟，唔會一灼就韌，輕灼十零秒就食得，好爽脆。 ✦ 丸丸拼盤 HK$98呢款丸丸拼盤有5款丸，每款2粒，啱晒咩都想試下嘅朋友。分別有魚蛋、龍蝦沙律丸、手打牛筋丸、正宗香菇貢丸、墨汁花枝丸。 ✦ 田園蔬菜拼盤 HK$148好鍾意佢哋嘅蔬菜拼盤，砌到好似藝術品咁靚！有多款嘅蔬菜及菇菌，七彩繽紛，睇落去都好有食欲！😝 📍店家傳送門：@liuyishouhotpot.hk★－:+:－:+:－:+:－:+:－★🎡味道：4.5🎠環境：3.5🎪服務：4🕌CP值：3.5（*5為最高分）★－:+:－:+:－:+:－:+:－★◌ 劉一手重慶火鍋◌ 九龍塘達之路80號又一城UG樓37-38號舖★－:+:－:+:－:+:－:+:－★🎀 記得like埋我，每日放送打卡好去處！📸http://www.facebook.com/daydaycheckinhttp://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk#劉一手 #重慶麻辣火鍋 #麻辣火鍋 #手切牛肉 #毛肚 #火鍋 #又一城 #九龍塘美食 #九龍塘 #kowloontong #相機食先 #hongkong #香港 #hkig #instadaily #852 #hkfoodporn #hkers #hk #foodie #foodiegram #hkfoodie #hkfoodies #hkig #instadaily #hkfoodieblogger
