最近都在講日本嘢～今次就分享下韓國嘢啦！繼上次食完韓屋，最近我又去尖咀「韓國街」金巴利街覓食，今次試以邪惡岩漿芝士飯見稱嘅"OPPA Coffee Bar Restaurant" ！造訪當日，不到晚上7點都排晒人龍，似乎慕名食芝士飯嘅人都好多呢！😝坐下後，唔洗講實叫芝士飯，其次仲揀咗超大隻嘅韓國蒸餃及原味炸雞！點擊圖片放大 ✦ 火腿蛋漿熔岩炒飯 HK$158店員會先上個炒好嘅火腿蛋炒飯，然後喺炒上灑上Mozzarella芝士，即場用火槍燒熔芝士及兜炒。睇住店員將熱熔芝士拉長超過30cm高，芝士及蛋香四溢，過程猶如表演般精彩！😍味道方面，雖然芝士量多，其實並唔肥膩。趁熱食，半熔芝士與炒飯喺口腔融合，嗰個感覺真係好幸福呢！另外，我好鍾意呢個炒飯底夠濕潤，與芝士食，口感好順滑。 ✦ 原味炸雞 HK$198（去骨另加HK$20）唔想lur骨，今次揀咗去骨炸雞，啖啖肉幾過癮！炸皮加咗芝士，幾香口，雞柳肉都幾嫩，送酒一流！ ✦ 韓式蒸餃子 HK$110一份蒸餃有五隻，每隻都有近1個拳頭大，非常足料呢！2個人share實食唔晒，建議較多人點呢個菜會較好。菜肉餡中加咗少量粉絲，幾有口感，味道偏淡，點豉油剛剛好！ P.S. 我覺得Oppa嘅味道幾正宗，菜式味道同我喺首爾食到嘅差不多，其中芝士飯亦如想像中般澎湃！喺值得emcore嘅好選擇！★－:+:－:+:－:+:－:+:－★🎡味道：4🎠環境：3🎪服務：3.5🕌CP值：3（*5為最高分）★－:+:－:+:－:+:－:+:－★◌ OPPA Coffee Bar Restaurant◌ 尖沙咀金巴利街1號F地鋪★－:+:－:+:－:+:－:+:－★🎀 記得like埋我，每日放送打卡好去處！📸www.facebook.com/daydaycheckinwww.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk
