▲歷山酒店環境超靚，係打卡嘅好去處！ ▲餐廳有開揚嘅落地大窗，加上華麗裝修，用餐環境不錯。 最近係story都有分享過，我係水瓶寶寶！🏺 早前好開心，一班老友約我去新開嘅歷山酒店慶生！😍✨ 令我意外嘅係，呢度環境真係如照片所示，無論係lobby、走廊以至餐廳，裝潢都猶如歐洲宮庭！😝重點係環境美侖美奐，但價錢卻好貼地，即便係假日自助午餐，任食生蠔、燒西冷、羊架、海鮮凍盤、點心、中菜、甜品.....人均都唔洗500！成件事真係抵爆！仲要因著生日關係，我哋又夠4人，酒店仲送埋蛋糕比我哋，真係個慶生好地方！😍 今年揀歷山酒店慶生，其實事前已有班朋友同我講好伏！😂 不過我份人唔想人云亦云，點都想親身試下，所以最後都揀咗同朋友去！結果係...唔止唔伏，仲喜出望外添！ 環境唔洗講，維多利亞式宮庭設計，愛華麗嘅我無位可投訴。😍 食物方面，以lunch自助餐嚟講，又有即開生蠔、多款凍海鮮、刺身、壽司、燒眼肉扒、羊架、各式中餐小菜、沙律、甜品及飲料....目測每個系列都起碼有10款食物或以上可供選擇，感覺絕不輸比晚市自助餐呢！ 🌟 必食推介1：即開生蠔 質素方面，我覺得整體都大份兼新鮮！好似即開生蠔，用美國岩蠔，肉量適中，夠鮮甜，口感creamy得嚟不失脆口，幾高質。 🌟 必食推介2：班尼迪蛋 估唔到隨手攞嘅食物裏面，我竟然對呢一個班尼迪蛋好印象深刻，因為佢嗰隻蛋真係做得好高質！蛋嘅火喉剛剛好，蛋白全熟，蛋黃全液狀，一咬開即爆蛋汁，好誇張！加上荷蘭汁，香香甜甜好正！ 🌟 必食推介3：刺身 歷山嘅刺身好足料！可揀三文魚、吞拿魚、鯛魚、帶子、日本虎蝦、油甘魚、赤貝，種類都幾多，師傅切出來，每件都有差不多1cm厚，一碟送上枱，感覺好澎湃！其中一定要食虎蝦，一份2隻，比一般甜蝦大3倍，蝦肉膠質幾重，爽口彈牙，食完好滿足！ 🌟 必食推介4：凍海鮮 每次去食自助餐，最期待就係一系列凍海鮮！呢度分別有小龍蝦、蟹腳、青口、凍熟蝦、海螺及沙白等，個人最愛係蟹腳，夠晒鮮甜多肉！ 🌟 必食推介5：甜品 甜品真係超多款式！有芒果拿破崙、茉莉花芝士餅、栗子蛋糕、伊頓雜莓蛋糕、朱古力奶凍、意大利芝士杯、蛋白杏仁茶，仲可以任食 Haagen Daz雪糕！說實話，淨係個甜品bar都值回票價！😍 當中芒果拿破崙都幾香口，拿破崙幾脆薄，擺咗一陣都無軟，幾好！伊頓雜莓蛋糕則口感香滑，入口即化，食完感覺好治癒！ ✦ 維多利亞宮廷半自助午餐（星期六，日及公眾假期）成人HK$407起*、兒童HK$312起* *另收加一服務費 P.S. 雖然人人話伏，但我又覺得整體好正！😍畢竟人家去年12月先新開，可能都Keep住密密改善，個人覺得大家絕對可以比多次機會！ ★－:+:－:+:－:+:－:+:－★ 🎡味道：4.5 🎠環境：5 🎪服務：4 🕌CP值：4 （*5為最高分） ★－:+:－:+:－:+:－:+:－★ ◌ 歷山餐廳 ◌ 北角城市花園道32號歷山酒店大堂樓層 ★－:+:－:+:－:+:－:+:－★ 🎀 記得like埋我，每日放送打卡好去處！📸 http://www.facebook.com/daydaycheckin http://www.instagram.com/daydaycheckin 💗ᴿᵉᵃᵈ ᴹᵒʳᵉ https://flowspace.hk
