朋友笑我不停流連銅鑼灣...是的，疫情之下，銅鑼灣最近真係多咗好多靚餐廳、打卡處！而開業約一星期、位於糖街嘅"Vie Won Won" 就係其中之一！ 大玩Oddities元素，古堡色調，加上一系列創意西餐，無論係裝潢或食物質素都令人滿意！😍❤️ 點擊圖片放大 +3 ✦ 迷你帶子麻辣意大利麵伴魷魚 HK$128 麻辣味意粉好惹味，加上爽口帶子及薄切魷魚條，成件事幾夾，又突出到海鮮嘅鮮味。 ✦ 野菌紫薯飯配香煎石班魚 HK$138 無諗過紫薯可以入飯，整成risotto，口感好綿，香香甜甜咁，非常開胃。石班魚煎得香脆，魚肉彈牙鮮甜，質素唔錯。 ✦ 油封鴨脾古斯米漢堡配地瓜薯條 HK$158 米漢堡唔油膩，甜甜地，不過略嫌鴨脾絲乾咗啲，咬入口有啲dry。相對嚟講，地瓜薯條好粉好甜，幾可口。 ✦ 吞拿魚蓉宇治抹茶卡邦尼 HK$128 呢款卡邦尼好特別！個底唔係用意粉，而係烏冬！而且個烏冬好煙韌，口感好好！ 一邊食一邊有少少嘅抹茶香，神來之筆係個吞拿魚蓉，好棉好滑，溝埋一齊食，perfect！ ✦ 白朱古力抹茶沙冰 HK$58 雖則加咗朱古力同埋抹茶，但飲上口其實無想像中咁膩，幾順喉，水準及格有餘。 ✦ 烏龍茶熱情果柑橘梳打 HK$68 加咗熱情果同埋柑橘，呢款特飲偏酸，同行嘅友人就好鍾意佢清爽口感，我就一般般啦，不過相信配油膩嘢食食會好夾。 餐廳都打卡位處處，鍾意影相嘅人一定不可錯過！ 點擊圖片放大 P.S. 更多詳細內容，我會share去flowspace，大家想睇可Click入去睇！😝 ★－:+:－:+:－:+:－:+:－★ 🎡味道：4 🎠環境：4.5 🎪服務：4.5 🕌CP值：3.5 （*5為最高分） ★－:+:－:+:－:+:－:+:－★ ◌ Vie Won Won 鬼混食堂 ◌ 銅鑼灣糖街2-8號102號舖樂聲大廈1/f ★－:+:－:+:－:+:－:+:－★ 🎀 記得like埋我，每日放送打卡好去處！📸 https://www.facebook.com/daydaycheckin https://www.instagram.com/daydaycheckin 💗ᴿᵉᵃᵈ ᴹᵒʳᵉ https://flowspace.hk/
