之前經過幾次都見佢仲裝修緊，歌賦街嘅Grain of Salt喺昨日終於開幕，我亦第一時去咗！店主係註冊營養師，想打造一間注重品質及營養嘅Cafe，喺度試到嘅食品都符合健康原則。 由於已食飽，今次都係同友人試咗三款latte，分別喺Beetroot Cacao Latte、Liquid Gold及Chai Latte，無疑呢度嘅口味，整體會較輕盈，唔會話好重奶味，但奶泡好綿滑，非常順喉，令人滿意。 ✦ Beetroot Cacao Latte HK$50 好少見到Latte會加甜菜，甜菜本身營養價值好高，補血、抗氧化及通便，不過隻味唔係個個受，包括我...😂 店家巧妙地將佢加入濃味嘅可可，cover咗甜菜嘅青澀味，連我呢種咁抗拒嘅人都飲得到，抵讚！至於味道，呢杯latte確係好重可可味，難得嘅係仲要唔算甜，飲完都有種reflesh嘅感覺。 ✦ Liquid Gold HK$50 又係我係出面Cafe好少見嘅latte配料「薑黃」！功效係降低膽固醇、預防心血管疾病、防癌及抗炎等等，呢款latte係三款latte中最淡味，但後勁幾強，有種辣口感，但薑味唔算重。 ✦ Chai Latte HK$50 Chai Latte好多Cafe都有，用咗印度嘅辛香料製作。呢度飲到嘅版本，我覺得口感係特別滑，荳蔻及肉桂味都幾明顯，仲有微酸，後勁則有點薄荷嘅清新感，相當特別呢。 承上Post，Grain of Salt係營養師主理嘅Cafe，意思即是係度食到嘅野，全部都符合均衡營養嘅原則。入門即見Grain of Salt嘅成立座右銘，內容大概係不是食得少就有益，飲食必須平衝；營養係一門學問，唔好人云亦云等。 點擊圖片放大 Grain of Salt分三層，實際比客人出入嘅係地舖範圍，二樓係店主嘅office，地庫則係儲物室。入店幫襯，儲滿10個印仔就可以上二樓，搵店主做個健康評估～正常睇一次營養師都要幾舊水，飲咖啡又可以關注個人健康，感覺幾佛心呢！😝👍🏻 最後，不得不提係店子嘅裝潢，橘白拱形門、觀葉植物、隱藏喺白牆嘅motto，好有異國氣息！唔同出面啲Cafe，喺細小空間排滿餐桌，呢度空間大，但座位僅約10個，明顯感受店主嘅誠意，比人一個寧靜空間，品味咖啡。 至於全店咁多位國，個人就最愛門口位，打卡真係100分！有機會大家都要嚟試試！ ★－:+:－:+:－:+:－:+:－★ 🎡味道：3.5 🎠環境：4 🎪服務：4 🕌CP值：3.5 （*5為最高分） ★－:+:－:+:－:+:－:+:－★ ◌ Grain of Salt ◌ 香港島中區蘇豪區歌賦街47號 ★－:+:－:+:－:+:－:+:－★ 🎀 記得like埋我，每日放送打卡好去處！📸 https://www.facebook.com/daydaycheckin https://www.instagram.com/daydaycheckin 💗ᴿᵉᵃᵈ ᴹᵒʳᵉ https://flowspace.hk/
