我幾鍾意食石燒牛，價錢唔貴得嚟又有質素，一般嚟講，百零蚊就有交易，性價比奇高！另外，石燒牛仲會每人派一舊熱石，自己的肉自己燒，唔會好似一般燒肉店咁， 成棚人逼用一個爐，啱晒疫情非常時期，用嚟自私食～😝👍🏻點擊圖片放大 最近我去金馬倫道行街，比一間新開嘅石燒牛店「牛匠石燒」嘅香味吸引咗，然後就同朋友狗衝入去試下！😍🤤打開Menu，石燒牛定食有平有貴，視乎揀選嘅部位，價錢由HK$98至HK$228左右，豐儉由人。唔想下下食石燒牛咁熱氣，店家亦有較平宜嘅日式定食，最平HK$48有交易，價錢上真心唔貴。 ✦ 石燒A4和牛肉眼定食 HK$228我係牛魔王，要食就食最貴嘅A4和牛肉眼定食！🤤我勁鍾意和牛肉眼細緻豐腴嘅雪花紋，輕輕一燒即食得，肉味濃厚且超Juicy，真係好鬼正！ ✦ 鹽蔥薄切牛舌 (單品) HK$98除咗和牛肉眼，其次我嘅至愛就係牛舌！店家有賣厚切及薄切，我今次揀薄切，快啲熟，早食早享受！❤️🤤牛舌品質唔錯，肉質煙韌又彈牙，夾埋燒京蔥及粗鹽一齊食，真係好惹味！ ✦ 鹽燒有頭大虎蝦 HK$88勁鍾意食虎蝦！牛匠石燒嘅虎蝦勁大隻，中間切開攤平，都有一隻手掌咁大呢！肉質唔會燒得乾柴，爽口又鮮甜，最正係要吸埋個蝦頭！啲蝦膏勁香甜，撈飯食勁正！ ✦ 溫泉蛋 HK$12正正常常，溫泉蛋幾滑幾香濃！我好愛用佢嚟加飯食！ ✦ 牛匠彩虹鮮果茶 HK$38Menu話呢款係店家嘅主打特飲，真係好多水果呢！目測有西柚、青檸、藍莓、菠蘿及士多啤梨，非常足料！食完油膩嘢，飲個水果茶係幾解膩！✦ 炭燒烏龍 HK$10（原價HK$38，定食套餐追加價）另一款茶飲係跟定食加配，我見加10蚊咁少，點都試下！說實話，加10蚊嚟講真係好大杯，烏龍茶都夠晒香濃，不錯。 ★－:+:－:+:－:+:－:+:－★🎡味道：4🎠環境：4🎪服務：3.5🕌CP值：4（*5為最高分）★－:+:－:+:－:+:－:+:－★◌ 牛匠石燒◌ 尖沙咀金馬倫道34-36A號福僑大廈地舖★－:+:－:+:－:+:－:+:－★🎀 記得like埋我，每日放送打卡好去處！📸https://www.facebook.com/daydaycheckinhttps://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk/
