作為懷舊控，一定有聽過觀塘嘅「婆婆雜貨店」，最近店主Abbie又下一城，喺山林道開咗Cafe「婆婆珈琲屋」！今次除咗經典嘅日系元素，仲加入港式情懷，喺一系列和式輕食中加入港式元素，好似香港奶茶富士山甜品、用叉燒做嘅飯團等，創意得嚟又精緻。 ▲婆婆珈琲屋處處打卡位，相信一定深受女生歡迎！ ▲昭和風裝潢，加上和風輕食，令人猶如置身舊時代日本嘅感覺！ ▲小店一角，高架枱都好有味道。 ▲店內均是木家具，連牆身及梳化都是木色，十足京都的喫茶室！另外，店內裝潢都好古色古香，比如昭和風和洋卡位、掛牆電話、玻璃吊燈等，打卡位處處。食完唔夠喉，店內另一邊仲有時裝店及雜貨店，可以入手精美嘅Vintage單品。 ✦ 四品料理 HK$108可以喺8款冷菜及8款熱菜中任揀5款，4款飯團及烏冬中揀1款，再連啤酒柚子蘿蔔漬，整體幾多選擇。我今次就揀咗明太子富士山飯團、溏心蛋、南瓜薯蓉、二色薯餅、煎雞扒，雖然每碟細細份，但真係食晒都幾飽肚。其中，我最鍾意明太子富士山飯團，入面真係有唔少明太子，幾足料。 ✦ 昭和焦糖布甸 HK$42攞上枱好動L！😂布甸蛋味幾足，質素不錯。 ✦ Kimono HK$28聽店員講，呢款茶係來自法國茶莊，甜甜地好香。入面有玫瑰、蜜桃及綠茶香，配布甸食一流。 ✦ 抹茶拿鐵 HK$44佢哋隻抹茶唔苦，幾甘香，奶味濃郁，幾好。 ✦富士山特飲 (未定價)朋友order，佢係蝶豆花做嘅latte，不過佢就唔係好飲到蝶豆花味，正正常常，都夠香滑。 ▲我與Abbie合照～P. S. 我都係喺山林道行時剛好見到模上門！😂剛好老闆娘Abbie在，但佢一啲都唔婆婆囉！經過聊天，原來佢本身屋企做涼果生意，自己又鍾意做漬物，比朋友取笑啲興趣好「婆婆」，所以先將雜貨店及Cafe命名為婆婆！★－:+:－:+:－:+:－:+:－★🎡味道：3.5🎠環境：4🎪服務：4.5🕌CP值：3.5（*5為最高分）★－:+:－:+:－:+:－:+:－★◌ 婆婆珈琲屋◌ 尖沙咀彌敦道176號The Nate 1樓★－:+:－:+:－:+:－:+:－★https://www.facebook.com/daydaycheckinhttps://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk/
