前陣子去銅鑼灣Shopping，發現利園開咗Cupping Room嘅旗艦店！呢間店勁大，足足有2500呎呢！同其他分店唔同，店內仲設有Filter Bar及CReation Bar，喺呢度咖啡師會因應客人要求，打造專屬口味咖啡，亦會定期設立咖啡工作坊，比人學習更多沖調咖啡、拉花及咖啡知識等，身為啡迷，當然要狗沖去試下！😝😝😝 ▲係Filter Bar可以飲到度身訂造嘅咖啡。 ▲Cupping Room旗艦店相當大，足足有2500呎！ ▲係放滿咖啡豆的櫃上，有店定座右銘"Brew Like a Champ"。 ✦ 自選手沖咖啡 HK$120起喺 Filter Bar ，客人可以因應個人口味，自由選擇沖調咖啡嘅3種Filter及3重用水！無錯！連水都有得揀！真係長知識！😯原來手沖咖啡嘅水好影響口感！第1種可揀正常過濾水，另外2種則加咗唔同嘅礦物粉末，飲開嘅朋友自然識，唔明嘅朋友又可直接問咖啡師，順便學習新知識，幾得意。今次我就試咗Cerro Azul Geisha X.O.，選自哥倫比亞Cerro Azul莊園嘅咖啡豆，入口帶覆盆子、葡萄等果香，層次感豐富！ ▲駐場女咖啡師，好帥氣！ ▲如果第一次唔識揀，可以即時問咖啡師意見，佢會跟據你口味而調製咖啡。 ✦ Spent Martini HK$118嚟得Cupping Room，當然要試埋佢哋招牌Cocktail "Spent Martini" ！用咖啡渣釀酒，再將餐廳用餘嘅牛角包煮成糖漿加入酒中，入口細滑，酒體柔和而滲透啖啖水果香甜，非常高質。 ✦ Pan-seared Scallop & Avocado HK$68扇貝肉爽口、份量多，配埋牛油果，清新又健康！ ✦ Tempura Soft-shell Crab HK$78軟殼蟹比想像中大隻，外層炸皮唔會好厚，咬上口一口粉，配cocktail 飲幾正。 ✦ Gingerbread Basque Burnt Cheesecake HK$48呢款係冬日限定嘅Burnt Cheesecake，蛋糕上有好可愛嘅鹿仔曲奇，蛋糕中心又有流心芝士，口感濃郁細滑。呢個蛋糕薑味真係好好重，我個人係ok，不過唔係食開薑嘅人，有機會嫌太重口味。 ▲除咗食物，Cupping Room旗艦店都係有好多打卡靚位，食嘢順手拍照，女生指定動物！（笑）Wardrobe credit: @noveltylanePhoto: @mr.travelgenius ★－:+:－:+:－:+:－:+:－★◌ Cupping Room Coffee Roasters◌ 銅鑼灣希慎道33號利園一期3樓306號舖★－:+:－:+:－:+:－:+:－★🎀 記得like埋我，每日放送打卡好去處！📸https://www.facebook.com/daydaycheckinhttps://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk/
