作為元朗人，放假幾鍾意去錦田Chill下。錦田而家多咗好多Cafe、市集、牧場，最近嚟一轉，真係令我驚喜。其中，令我印象深刻莫過於「錦田匯動青年館」，喺呢度有間超雅致嘅紅酒箱圖書館小屋！以一格格紅酒箱打造嘅書櫃牆，環保得嚟又古色古香，好適合打卡影相！ ▲由紅酒箱打造嘅圖書館小屋，散發濃濃文青氣息！ ▲至於圖書館小屋外圍，則塗上sharp醒嘅黃色油漆，襯埋懷舊牆戶及木門，成件事勁文青！ ▲圖書館小屋旁即是社區咖啡實驗小店"Count Down"。另外，唔止打卡靚，呢度嘅圖書館小屋旁，又有社區咖啡實驗小店"Count Down"，喺入面品嘗咖啡/食物，又係一個好獨特體驗！ ▲正在當實習Cafe店長的青年咖啡師。 ▲Cafe採用「自由定價」形式，中間設有錢箱，隨心付款。實驗館係比有志開Cafe嘅青年人實習嘅地方。青年咖啡師可以係度試下擔當Cafe店長嘅滋味，學習成本控制、品牌形象、沖製咖啡及製作食物比客人...等等，食物基本上係「自由定價」形式，你可按個人體驗，支付相應嘅價格。由於佢哋個實驗計劃並無獲得任何資助，所以大家覺得Ok，我建議都可大力課金支持，比佢哋可持續走落去。 ▲Count Down環境復古，拍照一流！ ▲門口黃牆+單車，好古色古香！至於食物，今次我就order了Dirty及碎蛋牛角包，朋友則點咗Latte，Hand Drip及檸檬海鹽cheese cake，我就比咗100蚊。以Cafe實驗館嚟講，佢哋食物質素確係唔錯，對比出面Cafe都屬中上水準，呢個價絕對值得。 ✦ 碎蛋牛角包我討厭切得太碎嘅蛋，佢哋呢度嘅碎蛋切成條狀，大小剛剛好，唔會影響口感。值得一讚係佢哋嘅牛角包，焗得好酥脆，好空氣感，一咬碎蛋就爆出嚟，又脆又香，好掂！✦ Dirty因為怕影響睡眠，店長好細心幫我減咗 Expresso嘅比例。佢哋用SOONER嘅咖啡豆，產自巴西、埃塞俄比亞，口感偏Nutty，口味比較大眾化。啡體唔錯，鮮奶香濃，值得一試。 ✦ 檸檬海鹽cheese cake佢哋呢度嘅cheese cake唔會好甜，芝士質地軟硬適中，夾雜住清新嘅檸檬海鹽，唔膩，配咖啡食用，感覺不錯。 ✦ Latte同樣嘅Expresso啡體，Nutty，帶堅果香，有埋朱古力底，香甜濃郁，水準不錯。 ✦ Hand Drip討厭意式咖啡，只想簡單品啡，可以揀Hand Drip。咖啡甘苦、深濃、有稠厚嘅口感。 P.S. 好鍾意Count Down周圍嘅環境，除咗紅酒箱圖書館，仲有瀡滑梯，一排排單車等打卡位，品啡同時打卡，開心仔。 感謝本地著名設計師 TIMBEE LO Group 借出Vintage服飾。★－:+:－:+:－:+:－:+:－★🎡味道：4🎠環境：4🎪服務：4.5🕌CP值：/（*5為最高分）★－:+:－:+:－:+:－:+:－★◌ 錦田匯動青年館◌ 錦田公路119A★－:+:－:+:－:+:－:+:－★ 🎀 記得like埋我，每日放送打卡好去處！📸https://www.facebook.com/daydaycheckinhttps://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk/
