努力減肥,就係為咗食更多好嘢!最近我就去咗花月庭歎自助晚餐~今次佢哋以「寰宇MEOW遊」做主題,唔單止有美國波士頓龍蝦、即開生蠔、澳洲M5和牛肩、日式刺身壽司等,甜品仲crossover咗PAUL & JOE,有一系列貓咪主題甜品!實行跟住隻貓食盡環球美食咁話,真係好鬼正!✦ 寰宇MEOW遊自助晚餐 HK$528-HK$728(按時段收費)如果周五或周六幫襯,價錢貴咗,但可以揀嘅美食會全面升級,例如會多咗凍龍蝦及麵包蟹、鮑魚花膠炆鴨掌、海底椰雪梨燉桃膠、帆立貝柚子壽司、北京片皮鴨,以及蒜蓉粉絲蒸日本扇貝等,全部靚料,圍返條數,其實唔算收多到。 必點推介1:芝士燒美國波士頓龍蝦睇住師傅倒一大羹芝士落隻波士頓龍蝦,加上火炙,好吸引!食時有長長芝士拉絲,龍蝦肉又夠爽口,真係一定要try! 必點推介2:蒜蓉粉絲蒸日本扇貝呢度嘅蒸扇貝嚟自北海道,全部大大隻,鮮甜多肉!真係同出面食到嘅扇貝兩個層次!食得出係靚料! 必點推介3:鮑魚花膠炆鴨掌我唔食炆鴨掌,只係夾咗鮑魚及花膠落碗。不能否認,自助餐可以食到咁大隻鮑、厚身花膠,真係好值租!至於味道,燉得夠淋,柔軟得嚟爽口,正! 必點推介4:即開生蠔酒店係探用加拿大生蠔!加拿大生蠔比我感覺係Creamy啲,肉質較滑身,蠔邊無咁爽口,口感雖不是我最鍾意嘅,但任食由唔啪! 必點推介5:香煎鴨肝呢個煎鴨肝勁多人排,真係好抵食!平時酒店嘅煎鴨肝好細塊,切到一粒粒正方形咁出,但花月庭係一大塊咁出!入口即溶,連埋香脆嘅多士,正正子! 必點推介6:PAUL & JOE蛋糕及甜點系列好似楓葉香橙牛油蛋糕,就用咗PAUL & JOE今個夏季新出嘅貓形座檯化妝鏡為造型構思;紅桑子雲尼拿慕絲蛋糕嘅造型來自PAUL & JOE今季期間限定嘅夏日貓咪果凍唇膏;紅寶石朱古力白桃雪芳蛋糕,面層放咗以白朱古力製成嘅PAUL & JOE美妝產品,造型精緻,未食齋打卡都巧開心。 另外,我覺得好過癮嘅仲有蛋白曲奇棒棒 、草莓意大利奶凍卷!蛋白曲奇係貓咪肉球造型,超打耳!草莓意大利奶凍卷上,就放著貓咪造型嘅意大利奶凍,好鬆軟綿滑,肥死都抵。 必點推介7:MÖVENPICK® 雪糕作為甜怪,睇到呢度任食8款MÖVENPICK® 雪糕都好興奮!不用多說,薄荷朱古力! 必點推介8:柔和粉色沙律唔止甜品靚,沙律吧嘅食物都勁精美!有多款PAUL & JOE主題沙律,包括蝶豆花荔枝啫喱伴蟹肉、粉紅番石榴鮮蝦華多夫、法式三文魚松露凍批、菊苣粉紅柚子蟹肉沙律和蜜桃火箭菜茅屋芝士沙律等,據說係參考咗PAUL & JOE嘅美妝產品嘅柔和粉色調製作,清爽又輕盈,多吃都唔怕肥!★-:+:-:+:-:+:-:+:-★🎡味道:4.5🎠環境:4🎪服務:4🕌CP值:3.5(*5為最高分)★-:+:-:+:-:+:-:+:-★◌ 花月庭◌ 旺角太子道西193號帝京酒店2樓★-:+:-:+:-:+:-:+:-★ 🎀 記得like埋我,每日放送打卡好去處!📸https://www.facebook.com/daydaycheckinhttps://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk/