前排跟朋友去佐敦食飯,搵到一間幾得意嘅餐廳"The Jungle"!呢度裝潢設計正如其名,主打野外叢林,目的係等大家唔洗山長水遠去郊外,都可以搵到個遠離繁囂嘅聚腳點!至於菜餚,The Jungle都別樹一格,供應尼泊爾、印度及墨西哥美食為主! 雖然我未去過墨西哥及印度,只係去過尼泊爾,唔能夠評論係咪好正宗,但整體味道我都好滿意!其中特別係Momo餃子!仲有洋溢熱帶風情嘅食物擺盤,整體味道及賣相都不錯, 值得翻啅! ▲尼泊爾地道小食Momo餃子!可揀牛肉/豬肉/雞肉內餡。 ▲每隻餃子都非常巨型,亦比想像中好食!✦Momo尼泊爾餃子(豬肉)HK$88去尼泊爾必食就係Momo餃子!The Jungle當然都有提供!可以揀煎或者蒸,餡料則可揀牛/豬或雞,感覺都幾自由。我喺尼泊爾食到嘅Momo比較乾身,The Jungle食到嘅有啲似巨大化嘅小籠包,皮薄,肉汁多多,一籠九隻,分量都幾大。Momo中間係辣椒醬,不過勁辣, 食唔到辣嘅朋友忌碰!😅 ▲連印度街頭小食Pani Puri也有!食之前要淋上薄荷汁。 ✦Pani Puri 香料醬酥炸球 HK$68香港好少地方可以食到Pani Puri呢款印度街頭小食!呢度居然有!😲原理係用麵粉皮炸成一個小殼,入面塞入薯蓉及香料,食之前倒辣汁或薄荷汁入去,一口一個來吃。隻味好似浸咗湯嘅印尼蝦片,入面有豆蓉咁,係好香口,好特別,不過唔係好啱我。😂 ▲The Jungle的墨西哥卷口感比較清新。 ▲好多蔬菜!不過個人嫌牛油果醬唔夠多。✦ The Jungle Tacos 墨西哥卷(雞肉)HK$128預咗前面揀兩個餸會伏(其實無),所以我點咗墨西哥卷打底😂。呢個卷比想像中更足料,栗米薄餅烤得酥脆,入面有大量蔬菜、芝士絲、蕃茄莎莎醬、牛油果醬及美國西南風味雞,食完一隻,感覺都好飽肚。不過,個人嚟講,覺得佢哋嘅牛油果醬少咗啲,如果再多啲就正啦! ✦Coco HK$48唔識形容隻味... 只能夠講,杯嘢好印尼呀!😂椰子水+斑蘭+檸檬汁+薑Beer,睇個成份好清腸胃,哈哈,但其實好清新,唔難飲,只是不算我杯茶。 ✦Tropical Smoothie HK$48呢個Smoothie幾好,清清甜甜,成份係鮮鳳梨+芒果+熱情果+雲尼拿雪糕,大路嘢,相信大部份人都carry到。 ▲The Jungle店如其名,裝修令人好似置身叢林呢! ▲熱帶森林主題,卻賣尼泊爾、印度及墨西哥料理,真係好有性格。 ★-:+:-:+:-:+:-:+:-★🎡味道:4🎠環境:3.5🎪服務:4.5🕌CP值:3(*5為最高分)★-:+:-:+:-:+:-:+:-★◌ The Jungle◌ 佐敦廟街273-275號寶發大廈地下3號舖★-:+:-:+:-:+:-:+:-★🎀 記得like埋我,每日放送打卡好去處!📸https://www.facebook.com/daydaycheckinhttps://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk/