自從食咗榴槤T,我已成為唯港薈鐵粉!幾乎每次出新T,我都會去試!🤤臨近聖誕,今次佢哋嘅下午茶仲聯乘Godiva!我其中一個好愛嘅朱古力品牌!當然立即秒Book食好西囉~🤤 同榴槤Set一樣,今次系列由榴槤王子Danny設計主理,共有10款鹹甜點心,嫌唔夠喉,大堂仲有部Godiva雪糕機,任食特濃朱古力軟雪糕!專門店賣緊一杯都六十幾蚊,呢度係任食,作為愛朱古力之一,表示巧幸福! ▲任食GODIVA特濃朱古力軟雪糕!身為朱古力怪,當然狂食! ▲平時GODIVA雪糕一杯要60幾蚊!真係唔好蝕!✦甜點 ▲好精緻嘅甜品,靚到唔捨得食! ▲見到忍唔住狂影!太靚! ▲車厘子黑森林帶點甘香,層次感十足。 ▲香橙榛子窩夫配黑朱古力忌廉靚到爆!似藝術品多過甜品!包括: 聖誕ICON朱古力小熊、英式士多啤梨忌廉杯、香橙榛子窩夫配黑朱古力忌廉、車厘子黑森林、聖誕馬卡龍、GODIVA朱古力成個系列我最愛就係聖誕馬卡龍!上面有好靚嘅聖誕花裝飾,咬開晶盈嘅朱古力外層,入面有新鮮嘅紅莓肉,酸酸甜甜,令馬卡龍嘅甜更有層次感。另外,聖誕ICON朱古力小熊都唔錯,就咁食會偏苦,但浸入熱牛奶,就會變成一杯特濃朱古力,幾正。令我有啲難忘係車厘子黑森林,用酒浸嘅車厘子,帶點甘香,外層脆脆地,唔係出面食到嘅,有陣難頂嘅藥水味,同可可香勁夾。 ▲就咁食隻熊仔會覺得好苦。 ▲建議添和熱牛奶飲,好可口!✦鹹點 ▲鹹點口味比較大路,味道普通,不過造型幾精緻。 ▲鮮蝦雞尾酒杯,鮮蝦烤得幾香,肉質爽口。 ▲朱古力鵝肝凍批比較濃味,後而點鬆餅幾好味。包括:朱古力鵝肝凍批、朱古力燴牛肉酥皮盒、蘇格蘭煙三文魚、法式煎焗芝士火腿三文治、鮮蝦雞尾酒杯鹹點方面,大廚今次加咗可可入凍批及酥皮盒,可惜凍批對我嚟講濃味咗啲,個人不太鍾意。相對下,酥皮盒會好味啲,濃郁嘅牛肉配酥皮盒,成件事幾夾。至於蘇格蘭煙三文魚,清新為主感覺都唔錯。 ▲因為多次造訪,已經跟榴槤王子Danny相熟,非常感謝他每次也精心設計一系列甜點下午茶! ✦GODIVA聖誕下午茶 HK$658*(另收加一服務費)日期:即日起至12月31日 ▲GREEN對出即是全亞洲最大室內垂直花園,綠意盎然。 ▲舒服嘅梳法椅,係度打卡都幾寫意。★-:+:-:+:-:+:-:+:-★🎡味道:3.5🎠環境:4🎪服務:4🕌CP值:3.5(*5為最高分)★-:+:-:+:-:+:-:+:-★◌ GREEN◌ 尖沙咀科學館道17號唯港薈地下★-:+:-:+:-:+:-:+:-★🎀 記得like埋我,每日放送打卡好去處!📸https://www.facebook.com/daydaycheckinhttps://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk/godiva-chocolate-christmas-tea/