尖沙咀比人感覺就係一味繁華,車多人多,幾乎同休閒二字無半點關係!最近在朋友嘅推介下,我嚟咗該區嘅樓上Cafe「Shhh Cafe & Studio」!呢度裝潢充滿文青氣息,喺布滿乾花嘅窗台,可眺望九龍公園景色、簡約嘅白色與木版牆身,一坐低就令人有份莫名嘅放鬆感,感覺真係九龍區一個難得嘅避世好去處! ▲店子以白色為主調,充滿文青氣息。 ▲窗邊有大量乾花布置,好唯美。呢度除咗供應一系列輕食及手沖咖啡,仲會定期舉辦手作蠟燭工作坊,大家可喺導師指度下,製作一件件專屬嘅造型蠟燭,消磨時間一流! ▲對住九龍區鬧市食Lunch,感覺好Chill~打開Lunch Menu,Shhh Cafe & Studio嘅選擇頗多,由意粉、燉飯、All Day Breakfast、Burger、各式咖啡或茶都有,圍開都係$78-$108,以尖咀區嚟講唔貴。而且好鍾意待應嘅服務態度,會細心解說Menu,亦會推薦我飲咩,感覺好親切。 ✦ 蕃茄蒜香大蝦意粉 HK$88蕃茄中滲透濃濃嘅蒜香,陣味好香,食時感覺都好開胃。佢哋嘅大蝦經過香煎,脆脆地,鮮甜多肉,味道不錯。 ✦ 菠蘿雞扒漢堡配Shhh辣醬 HK$78雞扒好厚肉,雖未去到Juicy,但唔乾柴。我勁鍾意佢哋嘅Shhh辣醬,微辣口感,加埋菠蘿,可以解除雞扒嘅油膩感。另外,Burger加$10可以轉薯條做蕃薯薯條!對比下甜甜地,又無咁膩,幾正! ✦ Shhh's Signature HK$48喺待應推介下,我揀咗呢款Signature,由柚子、Espresso及Lemon Juice製成。佢哋隻Espresso比較Nutty,有堅果香,但混埋Lemon Juice及柚子,成件事又變得清新及帶有果香,組合變特別,飲完有種幾爽嘅感覺。 ✦ Hojicha Latte HK$40呢度嘅Hojicha Latte算幾好,茶粉比例恰到好處,唔會飲完,個底有一層厚厚嘅茶底。雖然飲得出不是最靚嘅Hojicha,但都不失甘香感,40蚊尚算抵飲。 ▲窗口位只有4個,想坐就要Book! ▲我12點開店就到,不消半個鐘就坐滿人,Shhh好高人氣呢! ▲尖沙咀有咁高質嘅小店,值得大推!★-:+:-:+:-:+:-:+:-★🎡味道:3.5🎠環境:4🎪服務:4🕌CP值:3.5(*5為最高分)★-:+:-:+:-:+:-:+:-★◌ Shhh Café & Studio◌ 尖沙咀海防道38-40號中達大廈11樓★-:+:-:+:-:+:-:+:-★🎀 記得like埋我,每日放送打卡好去處!📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin