▲走過疫情陰霾,帝苑又有一系列平靚正package!帝苑酒店重開,而家去Staycation真係抵到爆!雙人自助餐連住宿套餐,埋單都係港幣1200咋!呢個價錢,平時只係夠食雙人自助餐咋!即係變相食自助餐送住宿,仲任玩健身室同泳池等設施,真係抵到宇宙大爆炸!🤪 ▲酒店外觀係普通商廈,入到去,中空歐式花園格局,好別有洞天! ▲即使係走廊位,都好適合打卡!帝苑酒店比我感覺好奇妙,外觀正正方方,普通商廈咁,但入到去即別有洞天!坐上玻璃電梯,穿過前3樓嘅免稅店區,繼續爬升,立即就到達一個長方形嘅中空天庭歐式客房區!中空天庭位置,掛滿星星布置,無論日夜睇都勁靚!我跟朋友都忍唔住嘩咗一聲!有種1秒到歐洲嘅感覺!完全無置身香港嘅感覺呢!😍 ✦ 豪華客房我今次住9樓,佢哋客房係呈方形,電梯對出,左邊係雙位數客房,右邊係單位數客房。我住單位數房,景觀可睇到維港一角,景色尚可。如果加錢住更高樓層,就可以無晒前方嘅大廈阻隔。至於房間設備,我幾滿意個浴缸,好大!😍夜晚係度浸個泡泡浴都幾爽!房入面仲有部Handy手機,可以無限本地通話,27個國家通話,呢個設備幾窩心,不過for我就無咩用。 ▲房景有一少截維港景,天氣如果好啲,成件事實好靚。 ▲房間設備唔錯,訓King-size大床好爽! ▲窗台旁係好大張梳化椅,係度望風景Hea下,好Chill! ▲房間有Welcome Drinks,仲有帝苑餅房最出名嘅蝴蝶酥! ✦ 雅苑座The Greenery 雙人自助餐 呢個staycation,重點絕對係「雅苑座自助餐」! 呢間餐廳位於天庭嘅底部,出面對正噴水池,又有人彈琴表演,成件事好浪漫~至於食物,雅苑座就出名選擇多!好似冷盤海鮮就有成6款,包括加拿大長腳蟹、波士頓龍蝦、鮮蝦、翡翠螺、澳洲黑青口和海蜆等等!其中最記得係波士頓龍蝦,勁多膏,肉爽,食到我舐舐脷!😍熟食則有羊架、咖喱、串燒、美國特級牛肋骨、湯麵等,另外,想飽肚打底,仲有刺身壽司、燒味如蜜汁叉燒、燒腩肉、燒鴨和海南雞等!樣樣都極高質!整體呢餐我都好滿意!☺️👍🏻 ▲雅苑座歐式裝潢,係度食飯好浪漫。 ▲冷盤海鮮有6款選擇,肥大肉厚,睇見都想食! ▲任食多膏波士頓龍蝦…好邪惡呀! ▲究竟我食咗幾多ground呢?真係停唔到口! ▲呢度壽司及刺身都勁多選擇,有選擇困難症嘅人嚟就大鑊! ▲超正美國特級牛肋骨!食完再食!哈哈! ▲甜品都幾正!我好鍾意呢款芒果蛋糕! ✦ 25米空中恆溫泳池套餐包任玩酒店嘅泳池及健身服務!亦都係我點解咁想嚟嘅主因!🤪其實我想講,帝苑個泳池真係正到癲!有個歐式花園+歐式涼亭,重點係外面景觀對住尖沙咀鬧市,居高臨下游水,成件事真係正正子!造訪當日天氣比較涼,所以人不是好多,我跟 @mr.travelgenius 幾乎霸晒成個池,仲影咗好多打卡相!😂當然,如果有其他客人在,影相就唔好影到人。不過,水面好凍,落到水又無想像中咁凍,畢竟呢度係恆溫池,所以感覺還好。 ▲天台歐式泳池,打卡100分! ▲嚟游水,最後變咗嚟打卡~汗!!! ▲泳池可以欣賞尖沙咀靚景,感覺不錯。 ▲泳池旁嘅花園,環境優雅。P.S. 帝苑雙人自助餐連住宿會做到2021年3月31日,透過官網Book即可!有機會大家都可嚟玩下,個人大力推薦!【詳情】STAYCATION WITH DINNER BUFFET價錢:HK$1,200起預訂網址:https://www.rghk.com.hk/hk/accommodation-special-offer.php★-:+:-:+:-:+:-:+:-★🎀 記得like埋我,每日放送打卡好去處!📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin