減肥雖是女性嘅終生事業，但吊頸都要透下氣，偶然都要食下邪惡嘢（有嗎？），平衡下心理！前幾日經過旺角雅蘭，發現呢度開咗間新嘅Cafe「CR2 by Cupping Room」～賣一款究極邪惡小食「咖啡雪糕牛角包」！係加咗果仁及朱古力嘅牛角包上，配上店家自家製嘅咖啡雪糕！所有組合都係我至愛，無人性架！😢只好乖乖淘銀包買囉！另外跟朋友在一起，我哋又點咗佢哋出名嘅咖喱飯、飛碟三文治、酥皮甜點及咖啡飲品...算了，唔食飽，邊有力氣減？😅 ▲CR2嘅鬆餅及蛋糕都係自家製作，好味又精緻。 ▲CR2最搶眼係謝曬皮插畫牆~ ▲CR2位於雅蘭中心，超近地鐵站，地段方便！ ▲ 招牌牛角包軟雪糕，非常特別！ ▲ 雪糕形態同首爾明洞牛奶雪糕一模一樣呢！ ▲邊點雪糕，邊點牛角包食，好爽皮！✦ 牛角包軟雪糕 HK$42店家自製冷萃咖啡，加Espresso製造出咖啡雪糕。不得不讚，呢個雪糕真係好香濃，又勁滑，食上去濃厚嘅果仁味，令我好難忘。另外，佢哋個牛角包都唔錯，牛油味濃，亦夠酥脆，點住雪糕咁食，味道幾夾！ ✦ 鹿兒島一口和牛咖哩定食 HK$42呢款定食幾抵，如果轉餐，加埋一杯42蚊飲品，套餐價都係68蚊。咖哩味比市面嘅咖哩略淡一點，糅合咗日本秋田小丁米、大阪風咖喱醬汁、印度香料及Cupping Room 嘅精品咖啡，帶點辛辣，味道幾有層次感。 ✦ 慢煮燒烤醬手撕豬肉飛碟三文治 HK$48呢款雖為手撕豬肉，但唔乾柴，日式燒烤醬幾惹味，整體味道正常。另外，order飛碟三文治會另外送42蚊以下飲品，呢款都幾抵食。 ✦ 草莓鬆餅 HK$28 ✦ 葡萄鬆餅 HK$28 ✦ 藍莓鬆餅 HK$28 ✦ 鮮果鬆餅 各HK$28佢哋呢度嘅鬆餅都係自己整，好酥脆香甜，整體味道都唔錯。個人最愛葡萄鬆餅，香印葡萄夠鮮甜，藍莓及士多啤梨略嫌酸咗少少。 ✦ 椰子抹茶咖啡 HK$50好香椰子味，同抹茶及咖啡味撞埋一齊，成件事清香得嚟濃郁！ ✦ Dirty Matcha HK$45出面比較少飲Dirty Matcha，我覺得佢哋嘅抹茶粉係幾靚，味道甘香但唔會苦。★－:+:－:+:－:+:－:+:－★🎡味道：4🎠環境：3🎪服務：4🕌CP值：3.5（*5為最高分）★－:+:－:+:－:+:－:+:－★◌ CR2 by Cupping Room◌ 旺角彌敦道號639號雅蘭中心地下Kiosk 4★－:+:－:+:－:+:－:+:－★🎀 記得like埋我，每日放送打卡好去處！📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin
