作為貓奴，一知道帝京Lion Rock聯乘PAUL & JOE、出咗Set瑰麗貓咪下午茶，當然立即Book！ PAUL & JOE 最為人熟悉，必定係一系列清新菊花及貓咪插畫。今次下午茶，大廚就用日式及花卉元素，配合貓咪作主題，炮製11款鹹甜美點。不得不讚，呢個T唔係得個樣，味道都幾好。我同朋友竟然清場，講真好少有下午茶，我哋可以食晒，今次都係第一次！非常推薦！ 另外，我好鍾意Lion Rock個環境，正面對住獅子山！下面仲有火車軌呢！一邊歎T，一邊賞景，成件事真係勁Chill！點擊圖片放大 ✦甜點 包括：紅桑子玫瑰荔枝慕絲、雜莓紫羅蘭馬卡龍、開心果櫻桃慕絲蛋糕、蜜柑菊花撻、榛子朱古力蛋糕甜點方面，整體唔算甜，仲加入好多貓咪元素，好似立體貓馬卡龍、 貓咪慕絲蛋糕、貓咪唇膏蛋糕..... 淨係打卡都贏晒！而且款款味道，真係食到我甜都心埋！講到最愛，我最鍾意開心果櫻桃慕絲蛋糕！開心果碎好香脆，又有少少酸甜嘅櫻桃慕絲，味道好有層次感！蜜柑菊花撻就好清甜，菊花味好重，正正！令我意外係，呢度嘅馬卡龍唔算甜，我都係第一次食到唔甜嘅馬卡龍，幾好！ ✦鹹點包括：北海道帆立貝蜜糖雜果、油甘魚刺身配柚子汁、碎吞拿魚腩泡芙鹹點方面，以海鮮為主，有卷物、刺身、帆立貝撻等，我勁鍾意海鮮，配甜品食都唔膩！正呀！帆立貝撻有少少蜜糖，爽爽甜甜，幾好！碎吞拿魚腩泡芙就好特別，未試過鹹泡芙，但隻味意外地夾！不過講到最鍾意，還是油甘魚刺身，肉質好肥美，柚子香引發起魚肉嘅鮮甜，食到人嘴角上揚！ ✦甜蜜特飲包括：Chamomile Garden、Strawberry Fever今次下午茶調配兩款冰凍特飲，分別有Chamomile Garden及Strawberry Fever。Chamomile Garden以洋甘菊茶配上桂花和蜜糖，滋潤可口；Strawberry Fever以草莓、紅桑子、檸檬和薄荷葉配梳打水調成，酸酸甜甜，一飲就覺得清涼爽快。 P.S. 呢款下午茶，每兩位客人就會送PAUL & JOE凝潤柔肌旅行套裝乙份 (價值HK$270)，又食又拎，開心仔。✦瑰麗貓咪下午茶 HK$508（兩位）；HK$270（一位）★－:+:－:+:－:+:－:+:－★ 味道：4 環境：4 服務：4 CP值：3. 5（*5為最高分）★－:+:－:+:－:+:－:+:－★◌ Lion Rock◌ 旺角太子道西193號帝京酒店3樓★－:+:－:+:－:+:－:+:－★ 記得like埋我，每日放送打卡好去處！ www.facebook.com/daydaycheckin ᴿᵉᵃᵈ ᴹᵒʳᵉwww.instagram.com/daydaycheckin
