北角匯紫色隧道真係極受歡迎...我好神心咁較鬧鐘,朝早10點起身去官網Book,都要試3-4日先Book到!真係Hit到呢....!😂不過辛苦影完,絕對唔會後悔!因為真係好鬼靚!😝 ▲雖然每節只有10分鐘,但隨便一影,效果都好靚~ 好啦……打卡相分享完,作為食怪,當然講返有咩食!(成個腦都係掛住食...哈哈!)😝細心逛一圈北角匯,發覺呢度都幾伏虎藏龍,擁有好多好餐廳!比如法國過江龍Briketenia,主打日法Fusion菜,被評選為米芝蓮一星級餐廳! ▲一落場完,我即衝入餐廳,捕捉最後陽光拍照! ▲去到時,Briketeni還在落場中。趁住紫色花園展期間,佢哋仲供應一系列由日籍大廚中西潤也設計嘅紫色主題料理!繼之前嘅紫想你下午茶(已賣晒),今個月就推出紫想你二人晚餐!晚餐共有6道料理,以薰衣草及紫薯入饌,有鵝肝醬最中、鰤魚飯卷、周打蟹肉蜆湯、銀雪魚、慢煮pork loin以及紫薯拿破崙蛋糕等等,飲品則係紫色汽泡特飲!一邊喺餐廳露台欣賞3,000呎紫色花海,一邊歎精緻料理,成件事真係好鬼浪漫!😍 ▲紫想你二人晚餐真係超夢幻,喺度食飯真係浪漫爆燈! ▲VIP露台位賞紫色花園,成件事好威威豬~ ✦紫色汽泡特飲以蝶豆花及有汽梳打為材料嘅紫色特飲,爽甜又勁Igable!係打卡必備嘅Welcome Drink!😚 ✦Amouche Bouche 傳統最中(monaka)得紅豆饀,但呢度師傅就加咗鵝肝醬、榛子及焦糖,鹹鹹甜甜,幾開胃。 ✦Hamachi Roll 魚生刺身卷呢款刺身飯卷真係超好味!油甘魚刺身乾薰衣草及海鹽醃製,鮮味更突出,上面仲有蟹肉同三文魚籽,口感好豐富,滿意呀!😍 ✦Clam Chowder 蟹肉蜆湯呢款湯用上日本 Zuwai 長腳蟹蟹肉及蜆肉熬製,又鮮甜又creamy,湯底又勁多蟹肉,熱食真係勁正。 ✦Roasted Black Cod 銀雪魚用白麵豉醃製福岡銀雪魚,香煎後配上白酒調製嘅醬汁,看似簡單,但製作過程好繁瑣。 魚肉肥美甘香,帶有甜甜地嘅豆香,好鮮甜美味! ✦Slow Cooked Pork Loin with Black Truffle 黑松露慢煮豬扒小里肌呢個主食係用低溫慢煮方式,烹調福岡豬扒小里肌,配以焦糖洋蔥及壽喜燒汁,面層再放上即刨法國黑松露!黑松露引發出豬扒肥美香甜,成件事好惹味,幾有驚喜。 ✦Napoleon 紫色拿破崙酥皮由甜品師傅每天新鮮焗製,中間嘅紫色忌廉由日本紫薯所制成,甜而不膩,味道唔錯。P.S. 整體嚟講,成個Set我都覺得好好味!而且賣相都十分精美!當然,一分錢一分貨,平我就唔覺得平架啦,但食物水準對得住個價錢,不愧係米芝蓮一星餐廳!😚而且,訂Briketenia嘅紫想你二人餐,可以係露台VIP位賞紫色花園,感覺好治癒!😚仲會送紫色隧道嘅入場券、500蚊太子珠寶現金券,同埋化妝袋一個,開心仔~偶然同另一半食下好西,呢個Set絕對係理想之選!✦紫想你·浪漫二人餐 HK$988(兩位)供應期:即日至10月25日(每日只限供應5份,須預約)*連贈品★-:+:-:+:-:+:-:+:-★🎡味道:4.5🎠環境:4.5🎪服務:4🕌CP值:3(*5為最高分)★-:+:-:+:-:+:-:+:-★◌ Briketenia◌ 北角渣華道123號北角匯2期2樓206號舖★-:+:-:+:-:+:-:+:-★🎀 記得like埋我,每日放送打卡好去處!📸https://www.facebook.com/daydaycheckinhttps://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk/michelin-stars-purple-dinner/