▲最鍾意Sanrio～必然嚟＋—試下Teaculation+-×茶呢個聯乘特飲！ 身為Sanrio鐵粉，一知道Teaculation+-×茶聯乘Sanrio，推出6款限定特飲及周邊禮品，當然立即去朝聖！😝今次聯乘企劃叫「Thirst for Vaction」，以Sanrio 六個主角去旅行為題打造～老闆之一嘅旅遊達人袁學謙表示，因疫情大家都無得去旅行，所以希望透過呢個主題，勾起大家係旅遊時嘅美好回憶，帶嚟正能量咁話！ ▲在開賣首日，在活動遇上旅遊達人袁學謙。 ▲沙冰系列，頂部都有可愛嘅果凍公仔，打卡100分！ ✦Pochacco 草莓豆乳城堡 HK$46個人最愛呢款草莓豆乳沙冰！頂部係乳酸味果凍，採用Pochacco造型，勁可愛！下層則係豆乳沙冰及草莓果醬沙冰，飲上去酸酸甜甜，好消暑！呢款飲品雖然外形最吸睛，但成份純素，素食者飲都無問題，而且唔係好甜，幾正！ ✦Ahiru No Pekkle 薄荷奇幻果園 HK$46鍾意清爽嘅朋友，呢款薄荷柚子沙冰就啱晒！上層係AP鴨果凍，打卡100分！下層係薄荷＋韓國濟洲島柚子沙冰，飲上口勁冰涼爽快！ ✦Bad Badtz-Maru 搞怪黑芝麻撲克迷宮 HK$42呢款好多女士都鍾意，黑芝麻＋豆乳＋奶蓋，最滋補架啦！而且亦比想像中無咁甜，奶香濃郁，整體都OK！我鍾意呢杯奶蓋上嘅XO！😝不過飲完真係超飽肚呢！ ✦Kerokerokeroppi 抹茶森林探險 HK$42講起綠色，Sanrio嘅代表角色一定係Keroppi啦！呢款抹茶紅豆奶蓋，用日本進口嘅宇治抹茶整，溝埋濃郁嘅奶蓋及紅豆飲，口味雖大路，但整體味道都係平均水準之上。 ▲特飲系列顏色好靚，散發夏日氣息！ ✦Hangyodon 藍柑衝浪樂園 HK$42呢款係藍柑味特飲，顏色最靚 ，充滿海洋氣息。代表主角係Hangyodon，插上角色飲管，好似見到水怪係上面浮潛呢，好搞笑。😂 ✦Tuxedosam 活力巨峰沙灘 HK$42企鵝仔呢款特飲係巨峰提子味，同樣地有好靚嘅漸層，以清甜爽口見稱，飲完都不會有甜膩感，味道OK！ ▲除咗特飲，佢哋仲有Hapidanbui 限定杯套及索繩帆布袋～買飲品加錢換～數量有限，Fans有買趁手！ ▲開賣日適逢旺角店正式開業，人頭湧湧！ ▲一入店即有一塊大Sanrio紙版，係必影打卡位!P.S. +-×茶屬於少鹽少甜店，整體飲品都唔甜，超鍾意！😍★－:+:－:+:－:+:－:+:－★◌ +-×茶◌ 旺角廣華街1號仁安大廈地下24A號舖★－:+:－:+:－:+:－:+:－★🎀 記得like埋我，每日放送打卡好去處！📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin
