D2 Place潮店林立，有時都幾鍾意約Fd嚟呢度行街食飯～😬最近喺D2 Place 2 遊戲機中心PowerPlay Arena入面，仲開咗間熱狗專門店「Line Up Hotdog」！睇見佢淨係熱狗都分經典款、頑皮熱狗款及頑皮無腸熱狗，選擇多多，作為一個有選擇困難症嘅人，真係非常頭痛！😂 ▲Line Up位於遊戲機中心內，取經自外國嘅遊戲嘉年華會，比人邊玩邊食嘅概念。 ▲店子不大，但熱狗卻選擇多多！ ▲隔住玻璃窗睇店員即席製作熱狗，衛生又新鮮。 ▲呢次同朋友試咗6款口味，如圖所示，餡料相當豐富呢！顧名思義，經典熱狗款即係我哋食開嘅固有款式，好似南美肉醬芝士熱狗、三重芝士熱狗；頑皮熱狗款則係店家自創口味，有避風塘熱狗、墨西哥式牛油果醬蕃茄熱狗；至於頑皮無腸熱狗，則為不愛腸仔人士而設，有素食者啱食嘅椰菜花熱情松露狗，以及吞拿魚腩蓉牛油果醬狗等等。由於今次都試咗唔少款，所以抽部分覺得正嘅跟大家介紹。 ✦南美肉醬芝士熱狗 HK$53牛肉碎＋紅腰豆辣醬，超惹味！😍再攞命係加埋芝士及肉腸，超好食，個人最愛呢款！ ✦三重芝士熱狗 HK$48芝士怪必點，馬蘇里拉芝士＋車打芝士＋芝士醬交融埋一齊，真係好正！我鍾意佢入面嘅辣腸，平衡咗份芝士膩感，幾好。 ✦避風塘熱狗 HK$48加入咗港式風味，辣辣地幾得意！超多避風塘沙律醬！😂我鍾意佢入面有炒香嘅碎蒜及辣椒脆脆，口感好正！ ✦德國式酸椰菜熱狗 HK$48酸椰菜酸酸的口感，大大解走肉腸及芝士嘅油膩感！😋上面舖咗少少脆片，食上口口感好豐富，味道不錯！ ✦吞拿魚腩牛油果醬狗 HK$68唔鍾意食腸嘅人，可以揀呢款較輕盈嘅熱狗，吞拿魚腩碎加洋蔥及牛油果醬，成件事好惹味！🤤 ✦椰菜花熱情松露狗 HK$48呢款專為素食人士設計，雖是素，但一啲都唔Dry！松露醬好濃味，椰菜花質感爽脆，幾好。 ✦ shake shake薯條 HK$26估唔到呢度有埋shake shake薯條，佢哋備有4款自製味粉比人揀，如咸檸七、青花川椒鹽、喇沙及紫菜味粉！個人就至鍾意紫菜， 鹹鹹香香，正！😍 ✦點止冰冰 HK$18呢款即是可樂沙冰，立即喚醒晒童年回憶，熱辣辣飲真係好治癒！★－:+:－:+:－:+:－:+:－★🎡味道：4🎠環境：3🎪服務：4🕌CP值：3（*5為最高分）★－:+:－:+:－:+:－:+:－★◌ LineUp Hotdog◌ 荔枝角長順街15號D2 Place2樓205號舖Power Play Arena 內★－:+:－:+:－:+:－:+:－★🎀 記得like埋我，每日放送打卡好去處！📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin
