勁鍾意食泰國嘢～特別係一邊食惹味佳餚，一邊飲爽口嘅可樂，成件事真係好治癒！☺️☺️☺️我公司係荃灣，我至愛嘅飯堂就係位於南豐紗廠嘅泰國餐廳Sayu！貪呢度就腳，而且平均一個飯都係5-60零蚊，大大份，真係CP值極高！適逢而家南豐紗廠舉辦可口可樂紀念展，店家仲推出咗由香茅、香葉及梅子做嘅泰式可樂特飲，成個Menu都好似為我而設咁，跟餐加12蚊咋，當然立即加配！ ▲Sayu嘅海南雞飯大份夾抵食！ ▲雞件做得幾嫩口，令人好滿意！✦泰式海南雞飯 HK$53Sayu嘅飯真係好抵食，一兜飯有6-7件雞！雞肉幾嫩，仲要舊舊肉都好大、去晒骨，超足料！而且我勁鍾意佢哋嘅醬汁，酸酸辣辣，勁送飯！😍不過，略嫌呢度嘅飯硬咗啲，食時好嚡口！如改善會更好！😂 ✦香茅青檸樂 HK$30（跟餐+HK$12）呢個可樂真係幾正，勁多香茅，好芳香！又有青檸提味，口感好清新！大熱天時飲真係一流！ ▲Sayu環境幾好，好型格！ ▲南豐嚟講，Sayu都幾算抵食！ ▲除咗餐點，Sayu旁仲有家品店Commune，據說係同一個老闆開設，入面啲家品幾特別，環境唔錯！有時我食完飯都會去行個靚圈！★－:+:－:+:－:+:－:+:－★🎡味道：3.5🎠環境：3.5🎪服務：3🕌CP值：4（*5為最高分）★－:+:－:+:－:+:－:+:－★◌ Sayu◌ 荃灣白田壩街45號南豐紗廠1樓119號舖★－:+:－:+:－:+:－:+:－★🎀 記得like埋我，每日放送打卡好去處！📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin
