▲喺Delicious Eatery食飯，好似置身春日庭園般，好Chill、好優美。何文田不乏精緻黃店！講到打卡靚，價錢又親民，Delicious Eatery就係其中佼佼者。呢度最吸睛嘅係，餐廳有一半牆身範圍，繪畫咗櫻花滿開嘅夢幻場景！跟據Menu講解，櫻花畫牆係由芬蘭畫家Ritta Kuisma親手繪畫，主要係想客人食飯時，視覺與味覺都可以得到充分享受。坐喺度靜靜咁食飯，彷彿置身春日庭園般寫意，加上復古吊燈、四角突起大窗、湖水綠窗框、深啡色磚牆......濃厚歐陸風情，一切都好似為女生度身訂造般，教人如何抗拒？ ▲ 櫻花牆、圓木餐桌、湖水綠窗框、復古吊燈…集合女生最愛嘅打卡元素。 ▲ 好靚嘅英式復古吊燈，忍唔住不停影相呢！ ▲ 餐廳另一側，邊過窗子賞街景，感覺好寫意。 ▲作為地舖，Delicious Eatery環境都算幾闊落。 ▲Delicious Eatery主要食西餐、輕食為主，價錢合理。講返食，今次我就跟朋友試Delicious Eatery嘅下午茶～價錢都係由HK$48至HK$108左右，包一杯飲品（加特飲半價），說實在，咁嘅食物量及價位，以Cafe嚟講都幾CP值高。 ▲美式牛肉漢堡包真係好大隻，一個女生未必食得晒。 ▲漢堡肉好厚，肉汁豐沛，幾高質。✦美式牛肉漢堡包 HK$108漢堡包約我兩個拳頭加埋咁大，中間嘅漢堡肉至少3cm厚，真係好大份🤤味道方面，我覺得肉幾香，咬上去有肉汁，加埋茄汁、生菜及芝士，穩陣組合，整體都OK。唯有可圈可點係個包片太乾，吃時覺得好嚡口，有點失色。 ▲牛角酥夠酥脆，吞拿魚量多，非常抵食!✦吞拿魚牛角酥 HK$48呢個牛角酥真係CP值爆燈，約有我一個半拳頭大，但入面夾咁勁多吞拿魚！而且牛角酥好酥脆，最邪惡，但真心好食！ ✦玫瑰紅茶 HK$58（套餐加配HK$23） 呢個茶正常發揮，花香味足，紅茶順喉，幾解膩。 ✦抹茶紅豆拿鐵 HK$58（套餐加配HK$23）紅豆有口感，夠粒但不至於爛，抹茶味正常，甘香為主。糖漿另上，可自行加適當份量，整體設計幾貼心。 ▲餐廳環境無得輸，櫻花牆打卡好Sharp。 ▲即便門口都裝修得好靚，好有異國風情。 ★－:+:－:+:－:+:－:+:－★ 🎡味道：3.5 🎠環境：4.5 🎪服務：4 🕌CP值：3.5 （*5為最高分） ★－:+:－:+:－:+:－:+:－★ ◌ Delicious Eatery ◌ 何文田梭椏道8號地舖 ★－:+:－:+:－:+:－:+:－★ 🎀 記得like埋我，每日放送打卡好去處！📸 www.facebook.com/daydaycheckin 💗ᴿᵉᵃᵈ ᴹᵒʳᵉ www.instagram.com/daydaycheckin
