▲湖水綠係Coffeelin嘅標誌，非常好認。放假去Cafe Chill下是常識吧？其中，西營盤Cafe林立，就係我嘅蒲點之一。沿著西邊街往上走，見到一座小教堂，對面即是一間綠油油嘅小咖啡店「Coffeelin」。店子不大，但細節滿分，以湖水綠色為主調，歐風木牆上，掛滿攀藤植物做點綴，仲有一幅巨型嘅意大利威尼斯水鄉主題油畫，一入店，即令人有種放鬆嘅感覺。 ▲攀藤植物、威尼斯水鄉油畫、歐風木牆，每個細節都好精緻。 ▲食物以輕食為主，唔止樣靚，味道好唔錯！至於食物，店家主要提供一系列意式咖啡及輕食，當中必點係佢哋嘅Unicorn Twins！即係latte上加Gelato 雪糕，唔止賣相靚，仲好邪惡！另外，我都有試佢哋嘅Basque Burnt Cheesecake，芝士超濃郁，口感綿密，加埋焦糖烘燶面，真係肥死都抵！🙊💦 ▲Unicorn Twins (Matcha) HK$62超吸睛嘅抹茶latte＋Gelato特飲，超Igable！抹茶latte可能落得多冰關係，唔算話好濃，但隨住時間慢慢過去，接骨木花Gelato融入杯子，濃度就會剛剛好，我覺得整體味道都ok！另外，佢哋呢款特飲，仲可以自由揀4款口味Gelato，今次我揀嘅接骨木花味，味道清新，帶少少荔枝香，感覺都唔錯！ ▲Basque Burnt Cheesecake HK$45呢個Burnt Cheesecake真係無得輸！質感Creamy得嚟唔膩，Cheese濃郁，最正係外層嘅焦糖烘燶面，食時帶少少焦香，味道好有層次，高質！ ▲Flat White HK$42不得不讚，呢度拉花幾靚，線條流暢又精細。同行朋友只係簡單Order咗Flat White，佢就覺得呢度隻味偏Nutty啲，堅果香重，感覺都正正常常。 ▲Menu都幾意式風情，設計得幾靚。 ▲門口一貫湖水綠色調，簡簡單單幾好認。★－:+:－:+:－:+:－:+:－★🎡味道：4🎠環境：3.5🎪服務：4🕌CP值：3.5（*5為最高分）★－:+:－:+:－:+:－:+:－★◌ Coffeelin◌ 西環西營盤高街99號地下3號舖★－:+:－:+:－:+:－:+:－★🎀 記得like埋我，每日放送打卡好去處！📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin
