▲由西營盤地鐵站B1出口,沿第一街直走,好快就見到「佬啡」。好鍾意逛西營盤,不但因為呢度係歷史悠久嘅華洋小區,喺根盤交錯嘅橫街窄巷裡,近年特色小店更如雨後春筍般紛紛冒現,而位於第一街及西邊街十字路口嘅佬啡(Loffee HK)就係其中之一。 ▲健談嘅阿得,令我感受到滿滿嘅人情味!小店店如其名,由「靚佬」阿得主理。初次見面,卻有份莫名親切感。或者係因為店主阿得同我一樣,曾係傳媒出身吧?原本阿得打算將整個店面塗為水泥石牆,不過運動發展至今,好多人都累了,無嘢做到,只能好好裝備自己,無連儂牆囉,為店面抹上一面黃得啦呱? ▲睇住咖啡慢慢出嚟,已經逼不及待好想即刻飲!阿得笑言,店子黃牆,其實就係想喺城市中開僻一個黃色角落,意下就係提醒大家毋忘初心。其次,黃色之中亦分好多唔同調子,阿得就揀咗向日葵黃。原來佢私下其實係名畫家梵谷嘅擁躉,當中特別熱愛佢嘅向日葵系列。「How wonderful yellow colour is. It always stand for the sun.」揀向日葵黃,正喺出於梵谷對向日葵黃嘅喜愛及睇法。 ▲黃牆,花瓷磚,佬啡嘅象徵標誌!閒聊過後,喺佢嘅推介下,我跟朋友試咗White、Soda.L及小食Curry Wurst。 ▲White HK$35呢款咖啡latte,用咗Brazil及El Salvador嘅咖啡豆,帶較重嘅榛子味及淡淡果香,微苦不酸,加埋牛奶,整體口感好溫潤。算係好飲,但味道唔算話好特別,不過不失。 ▲Soda.L HK$45同樣地用Brazil及El Salvador咖啡豆做啡底,混和甜甜哋嘅Tonic及檸檬汁,飲時氣泡口感加上檸檬清香,成件事好消暑! ▲Curry Wurst HK$25德國街頭小食~切片嘅熱狗腸上加入咖喱粉、茄汁,甜甜地又惹味,幾好食😆呢款小食意外地襯咖啡,配埋一齊飲又幾好~★-:+:-:+:-:+:-:+:-★🎡味道:3.5🎠環境:4🎪服務:4.5🕌CP值:3.5(*5為最高分)★-:+:-:+:-:+:-:+:-★◌ 佬啡 Loffee HK◌ 西環西營盤第一街129號順泰大廈地下7號舖★-:+:-:+:-:+:-:+:-★🎀 記得like埋我,每日放送打卡好去處!📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin