家庭成員越來越多，呢一個父親節你又點樣過呢，小編免得捱貴價價錢，又免得人頭擁擠坐得唔舒服或者俾人催還枱，最後就揀選咗呢一間嘅都會，坐喺屋企慢慢嘆(⁎⁍̴̛ᴗ⁍̴̛⁎)點擊圖片放大 六至八人餐可以起菜單上面揀選八款，啲款式都睇到我眼花撩亂，相當豐富，最後點選左以下呢幾款：✨主食肉醬意粉絕對係誠意之作，滿滿嘅肉碎鋪面，蕃茄醬唔會太酸亦都夠濃稠，另一款揀咗比較少見嘅台灣燒牛肉刈包，份量頗多，而且醬汁帶甜，刈包經速遞過後尚算鬆軟，夾住蕃茄同青瓜片，感覺都幾清爽！✨潮州打冷接近兩磅嘅打冷拼盤有紅腸、滷水蛋、鵝翼、豬大腸、豬耳仔，滷水非常入味，從相片當中都可以睇到色澤嘅深淺！✨前菜冷盤小編揀咗家鄉鹽焗雞伴海蜇，荔枝蟹肉撻，兩款都各有特色，鹽焗雞鹹味適中，加上清爽嘅海蜇同青瓜絲，瞬間打開咗我嘅胃口；荔枝蟹肉撻感覺清新，份量唔算好大件，唯獨撻皮唔太脆身。點擊圖片放大 +2 ✨其他小食避風塘海蝦相當有鑊氣，海蝦被海量嘅炸蒜充斥住，入口微微嘅辛口，不過始終係外賣，所以口感都有少少被影響；芝士牛肝菌焗西蘭花 🥦正正係邪惡嘅相反，食落健康，而且唔會焗得太過軟身！沙嗲豬肉雞肉串拿捏得不錯，燒得唔會太乾身，沙嗲醬亦係精粹嘅所在，帶點花生香氣！點擊圖片放大 如果你仲諗緊叫咩外賣好、一班人聚餐諗到頭爆，一於去 落單啦！https://www.instagram.com/myfavorite.partyfood?igsh=MWppbDgzdWJ2aTJ2cA==#到會#partyfood#外賣自取#多人晚餐#賣飛佛
