Cafe Deco Pizzeria (尖沙咀) 📍尖沙咀ELEMENTS圓方火區2樓2133號舖 👍🏻海鮮拼盤 一上枱簡直係震撼眼球，海鮮擺得滿而不瀉，用碎冰坐底，新鮮至極。波士頓龍蝦鮮甜帶海水味，蝦膏豐腴；帝王蟹腳好夠厚肉，鹹鮮度十足；北海道帶子好清好甜，中間帶嫩爽；青口，鑽石蜆嘅外殼已經清洗乾淨，食落肉質飽滿；凍蝦爽口彈牙，蝦殼極薄，蝦肉鮮嫩；西班牙八爪魚帶點嚼頭，底部墊有香草醬，食落更為清新；到最後的新鮮生蠔，礦物味唔算好重，口感帶幾分creamy，回味甜飴！餐廳更加非常細心地配上六款醬汁，各有千秋，特色感爆棚(⁎⁍̴̛ᴗ⁍̴̛⁎)慰勞一下努力上班嘅自己，真係一點都唔過分！ 點擊圖片放大 +5 👍🏻煙吞拿魚腩薄餅 作為餐廳嘅招牌菜當然要試一試味啦，半生熟嘅蛋黃，為薄餅帶嚟濕潤嘅口感，煙吞拿魚腩自帶鹹香，配合埋蒜蓉蛋黃醬，感覺卻絕不滯口，薄餅更加入魚籽、毛豆、蘑菇加強口感，批邊做到香脆鬆軟，令人不禁接着狠狠咬下佢嘅一口。 點擊圖片放大 +2 👍🏻美國黑安格斯牛扒 小編點左五成熟，火候控制得恰到好處，橫切面可見肉質粉嫩，食落牛扒油花較少，嚼勁較重！但脂香適中，肉味香濃，肉汁填滿口腔。點擊圖片放大 👍🏻紅桑子Oreo芝士蛋糕配上榛子意大利雪糕 周圍飯後甜品絕對合適，甜品嘅創作別具特色，擺盤設計亦花心思！外皮由一層薄薄嘅紅桑子啫喱組成，食落酸酸甜甜，但並無蓋過芝士味嘅芳郁。榛子意大利雪糕質地好滑，亦帶點沙冰嘅口感，雪糕之上有一塊薄脆片，芝士味極為濃郁，同時又配有焦糖嘅甜美，一試難忘！點擊圖片放大 👍🏻👍🏻餐廳座位寬敞，用餐舒適！餐廳職員熱心殷勤，值得一讚(⁎⁍̴̛ᴗ⁍̴̛⁎) openrice
