小編真係好耐冇出去食過飯，有少少掛住廚師發板嘅服務同食物質素，經朋友介紹，呢間小店提供homakase，就算喺屋企都可以食豪啲。時令鮮魚刺身拼盤裏面既刺身包羅萬有，北海道鱈魚白子、愛媛縣蜜柑鯛、長崎縣冰鮮大拖羅、生螢光魷魚、三文魚子醬油漬、油甘魚腩、三文魚、新鮮帶子肉。小編特別欣賞佢嘅白子，食落奶油般嘅口感，細滑豐腴，無半點腥味；帶子厚實爽甜；蜜柑鯛雪白透徹，帶有淡淡橘香；三文魚子醬油漬比起一般魚籽細粒，但鮮味卻係大大提升，粒粒晶瑩多汁，帶有海水嘅咸鮮！點擊圖片放大 +3 原條金目鯛刺身鯛魚係魚中之王一於叫一份，一開盒，鮮艷的紅色魚肉一片片魚起好哂，魚肉帶有油潤既光澤，食落鮮甜爽口，毫無魚腥味，餐廳已經幫忙火炙過，識落魚香更重。旁邊既拖羅，淡淡豐腴魚油亦無筋。點擊圖片放大 +2 👍🏻👍🏻送貨嘅時候仲有兩個冰袋，保持食品新鮮，另外，如果唔想煩唔想諗，小店更加提供刺身發板(⁎⁍̴̛ᴗ⁍̴̛⁎)💡小店預訂貨品及送貨訂單為最少兩天前預訂，想食就盡快落單啦！！！order here
