👍🏻招牌雞煲二人套餐套餐可選兩款肉、兩款丸及餃類、兩款配菜、兩款蔬菜、一款面，更可以用優惠價加購其他配菜。而鍋底、雞汁、清湯，外賣餐具等等都已經包括在內，方便至極。連倒入鍋嘅程序都唔需要，只係需要喺錫紙兜之下放上燃料加熱就可以，鍋底叫咗小辣，真係超級惹味，亦都唔會怕任何癡底，味道唔會死鹹，更帶有少少甜甜地嘅味道，雞件亦有將近一隻雞既份量，肉質嫩滑且唔多碎骨！點擊圖片放大 🤍肉類揀左牛板腱，牛味香濃，雪花都幾平均，薄薄一片唔會太韌，另外叫咗日本黑豚五花片，薄薄一片唔使煮太耐， 適時撈起，口感一絕，爽爽彈彈~🤍丸類揀左平時比較少見既薑汁皮蛋貢丸，食嘅時候要小心啲，因為都幾Juicy，薑汁味唔會太嗆，食落有微少嘅皮蛋香；木耳餃既餃皮唔會太厚入邊嘅木耳絲爽口清甜。點擊圖片放大 +3 🤍配菜同蔬菜揀左平時懶得洗既牛柏葉，同打邊爐常客：響鈴，蔬菜就揀左男小編最愛既菜 油麥菜同蒿苛，份量都算多，但就唔用太多筆墨去形容～🤍飲品 如果堂食嘅話，呢啲手工飲品真係特別吸引，而家居然仲可以外賣返屋企添！蜂蜜菊花蜜清新滋潤，洛神花蜜酸酸甜甜，解膩一流。#優惠情報🔻 全日外賣套餐有7️⃣5️⃣折優惠，午市堂食更加推出豁免加一，外賣自取8️⃣8️⃣折，換言之，40幾蚊就食到（奉送埋小食或者汽水）人和月雞煲火鍋📍 尖沙咀海防道38-40號中達大廈3樓IG| FB
