唔知大家對於聖誕節食咩好有冇頭痕呢？小編誠意推介呢一間嘅到會，除咗方便唔使洗碗之外，真係近期食過最最最出色！點擊圖片放大 +6 👍🏻牛油果鮮蝦他他杯好少到會可以食到咁出色嘅沙律，牛油果醬非常綿滑，撈上新鮮番茄碎，鮮蝦粒，份外清新。食落去夾雜着橄欖油、檸檬汁、香草嘅味道。👍🏻焗蟹肉魚子多士多士焗得皮脆香口，啖啖蟹肉拉絲，非常香口creamy之餘又唔會太過油膩，襯托着蟹籽既鮮甜。👍🏻西班牙燴肉丸超級超級出色，肉丸帶點彈牙嘅口感，同時肉質好紮實，加上足料嘅醬汁，成家人係搶住食，仲拎啲醬去點埋火雞肉添。👍🏻焗釀香橙火雞麵包及雞胗餡聖誕大餐必備嘅火雞用左香草醃製，就連膠叉都能夠切到火雞肉，證明肉質相當嫩滑，雖然未算好juicy，味道亦較淡，不過小店配有紅莓醬，沾一沾亦係一個創新嘅配搭！👍🏻芝士焗意式肉醬千層麵誠意之作，真係一層一層焗得焦香，最頂果層更加係有薄脆感，芝士份量驚人，食落真係好驚喜，呢個份量六個人分享真係啱啱好，食完都唔會有好濟好膩嘅感覺。👍🏻棉花米通雪人趁住聖誕節，小店亦都乘機創作左一款甜品，外型趣緻，裡面既米通比較硬，幸而鋪上一層甜絲絲嘅白朱古力醬，食落去都帶有幸福感。👍🏻焦糖蘋果玫瑰另一個非常驚喜嘅甜品，焦糖滿佈起蘋果之上，經人手砌成一朵玫瑰花，花蕊中間塗咗少少牛油，食落好香夠甜，建議可以放落氣炸鍋焗2分鐘後上枱更有一份脆口感！🎄呢個聖誕大餐更加包括咗頭飾同一棵小嘅聖誕樹！！！成件事勁有節日氣氛，仲可以循環再用添～～🎅🏻點擊圖片放大 💡 小店仲可以提供狗狗嘅食物，真係一家大細寵物都可以一齊過聖誕🤶預購連結
