牛扒先生除咗係食牛扒之外，當中半自助餐亦都非常出名～今日嚟到九龍灣德福分店點評一下！🤍 龍蝦生蠔半自助餐包左一份生蠔拼盤：兩隻新鮮生蠔、兩隻海蝦、珍珠蜆、青口。餐廳有用冰底鎮住保持新鮮度，食落新鮮！ 主食方面有半邊龍蝦加三文魚扒，龍蝦落咗好多芝士去焗，蝦膏呈橙黃色，口感好似蛋黃一樣，龍蝦肉爽彈，略嫌唔夠大隻(´▽｀)三文魚扒魚皮煎得香口，油脂滿溢，肉質厚實得來好嫩口，配上淡淡既白忌廉汁，同綿滑既薯蓉，食到意猶未盡～呢一個餐仲包一杯紅/白酒，真係放工後嘅寫意。 🤍澳洲150日穀飼肉眼配香煎鴨肝150天的時間突顯得牛扒嘅矜貴，牛味比起一般嘅濃郁 ，肉眼油花均勻、口感、肉汁、油香都非常驚艷！熟成度拿捏得非常準確，連中間位置都能夠做到軟腍既口感。鴨肝煎得香口，油滋滋，口感同鵝肝一模一樣，入口即溶。旁邊配有解油膩嘅黑醋汁同莓果醬，配搭一絕。配菜嘅薯仔粒、甘筍、雜菇都帶有香草嘅味道，也不俗。 半自助餐包括左餐湯、沙律、甜品（可以起自助位置拿取）單單係沙律都已經有10款：青蘋果、芝士香腸、蜜桃煙鴨胸、雜果、薯仔、雜菌等等，總會有一款啱你！當然唔少得仲有幾款醬汁俾你添加。點擊圖片放大 甜品有：朱古力撻、杞子桂花糕、木糠布甸、啫喱糖、抹茶瑞士卷、豆腐花、日式菓子等等。特別推薦朱古力撻，朱古力好濃，並且唔會好甜，同時亦都有適當嘅水果作飯後甜品！點擊圖片放大 👍🏻👍🏻餐廳嘅自助位置唔會好逼夾，分開咗三大段路，人流上分流得唔錯！📍九龍灣德福花園二期4樓（當然仲有好多分店啦）
