日本樂敦Melano CC 系列一直係日本藥妝界有好高排名，成個系列以親民價錢提供漂亮肌膚，產品功能評價極高。今日行行下萬寧見到呢個Melano CC 美白淡斑維 C 面膜 ，就試一試下佢啦 :) 價錢真係親民，$87有一盒，每盒有20塊，除返開都係$4.35一塊小面膜，價值黎講都抵入手。 一打開個包裝紙，已經有好香的檸檬柑橘味，味道唔算好濃烈，係令人好舒服好舒服的味道。 官網的產品描述係： 「這精華面膜採用100%純棉配合３層設計，每一塊面膜都蘊含高濃度活性維他命C及维生素Ｅ誘導體，以及4重保濕精華，在過度照射紫外線後或皮膚乾燥時，給予皮膚滿滿滋潤，為曬後肌膚作最深度的護理。 當面膜精華接觸肌膚，即能快速滲透至角質層深處，持續釋放水份至缺水細胞，同時發揮美白功效，即使撕下面膜後，還有大量精華活躍於底層，持續為肌膚美白保濕，深度修護曬後的暗啞及乾燥肌膚，令肌膚充滿彈性及光澤！」wowwow似乎係好保濕，用完塊面仔會bling bling bling咁~ 唔....不過我一拎上手，覺得塊面膜不太濕潤，感覺有點似濕紙巾，同其他單獨包裝的面膜是有一點點的分別。敷上面後，可能因為面膜不夠濕潤的關係，所以感覺不夠貼面。剪裁方面，面膜偏為長身，但對我而言左右不夠闊(哈哈可能我面太大)，所以都需要用一點時間去調整個位置。不過最大的問題係佢真係比較乾身，敷大約5分鐘已經要拎落黎。比起其他面膜，佢無乜好滋潤好多精華的感覺，滋潤度稍遜。由於今日係第一日用，美白效果要再觀察一下 :) 個人感覺：味道方面，的確令人覺得好舒服。但滋潤度方面，不要對佢有太大的期望，如果希望係好保濕好多精華的話，建議用Gaenier水潤凝萃輕感面膜 (真係好好用，但日日落萬寧都未等到佢減價T^T)。Melano CC 美白淡斑維 C 面膜可以當作日常小面膜使用，但當急救面膜就不太建議了。
