我終於捨得打啦，哈哈。。。。（其實係我成日懶得打同埋冇影太多相） 去過幾次日本，大阪係我覺得最岩去閒逛既地方，東京每次去都覺得去到一定要去睇多次，結果行程都會好滿，大阪除左觀光既點外，唔少都習集中係市中心，所以好岩為去旅行就去一去既人，不過打呢篇係為左自遊行新手或姐作為check list睇下自己帶漏野 咁其實又唔係太多野要準備既，香港passport又唔洗簽證啦，衫褲鞋襪個D個人野唔講啦。。自己執啦＋＿＋ 但係以下既野係值得一提： （1)錢 其實提錢除左係因為記得要兌同要帶之外，係想講下要帶幾錢。由落機係機場搭車出大阪市區搭南海線好定搭JR好，去到難波都要1000yan上下（差幾十yan），每餐飯預1000yan（其實日本食野好多都1000yan樓下，預呢個數係因為有時夜晚食貴左或姐係街邊 食多左野冇咁易over budget，如果只留係大阪市區內，好多地方話遠唔遠話近唔近咁，體力好可以行多D省車錢，要搭車以距離計其實就300yan內可以去到梅田，個人經驗係只為行街同食野真係唔洗搭車，係市中心夠行好耐。。。。。 所以購物團以市中心為主的話：2200yan（機場個來回）＋日數X3餐X1000yan＋你預泥買野既錢－－－＞保險D可以總數兌多10% PS:當然景點既入場費同要豪食係另一回事啦，例如環球影城全票要7000千幾yan嫁，不過既然係去閒逛，就唔洗準備啦～～另外千奇唔好張日本既硬幣當係香港既硬幣咁洗！！！呢個真係好緊要，因為日本好多都係食卷機，買好多野會好似係汽水機買野好平既錯覺。。。重帶臨走硬係就想洗曬D coins咁。。。成件事加埋就係洗凸左。。所以記住提自己其實最常見既100yan係6蚊泥，500yan係勁過廿蚊紙嫁！！ (2)APP 有幾個app我覺得去日本之前最好都係DL定先，由其對住日本個咁亂既地鐵，真係會睇到好煩。。。 第1個N字頭個APP係日本大部份既地鐵圖，雖然可能會好亂，但係佢可以打入去直接搵個站～反正大部份站名都漢字名泥，易搵之餘重可以睇埋幾錢～～ 第2個計算機其實有其他人都介紹過，去其他國家都岩用～～較番兩種外幣可以直接計數，唔洗用普通計數機禁勁耐～～ 最後一個係日本旅發局自己出，有簡單既日文可以學下，最重要係佢可以離線用！！！冇打算租Wi-Fi或姐電話卡的話準備定呢個app會有意想不到既效果～～ （3)Wi-Fi 雖然去到當地有唔少鋪都有Wi-Fi，但係有D要買左野先可以用，有D登錄個板全板都日文好難明。。。所以我都係乖乖地租Wi-Fi去，香港租到既Wi-Fi其實唔會差太遠，要留意既點係出發前要去邊攞同番泥去邊還～就算係日本跨區玩都唔洗擔心有冇咩問題，最多去遠D既地方收唔到，租Wi-Fi既地方會話定你聽邊度收得唔好叫你租個貴D解決~~ （4)對大阪既認識 未做過research既人可能都聽過心齋橋呀道頓堀呀之類，其實市中心重集中左好多地方行，圖入面紅色係心齋橋同道頓堀，黃色係難波，都比較多旅客，出名既鋪都係呢兩區，綠色係日本橋，有模型鋪同黑門市場，藍色係美國村，有其他賣衫既鋪，有別於其他日本既地方比你既感覺，所以其實紅色同黃色算係最多人，想行快D其實可以利過隔一條街之餘重有其他野睇下～～ 最後要帶轉插同拖板，我會建議直接買旅行用轉插就唔洗煩～～～
