雖然宜家仲係春天，但啲天氣已經好似7、8月咁熱，日頭個太陽仲勁到不得了，搽幾多防曬都冇用！其實想美白唔一定要靠啲咩防曬、美白、精華霜嘅，唔少蔬果都有美白嘅功效，比起你日搽夜搽咁多化學嘢落塊面度，不如食多啲蔬果，咁咪仲天然！ 1. 羽衣甘藍 維生素C可減少黑色素形成，達致美白、淡斑嘅效果，亦能維持皮膚組織嘅彈性，讓皮膚保持滋潤狀態，降低肌膚紋路形成嘅機會。而羽衣甘藍正正就是維生素C含量高嘅蔬菜之一，其亦含有豐富鐵質，有助促進血液循環，保持肌膚紅潤光澤。 2. 甜椒 每100公克的紅椒或黃椒，就有94毫克之多的維生素C，是相當好的美白選擇，甜椒中的β胡蘿蔔素亦有利於人體健康。 3. 南瓜 南瓜不但含豐富維生素C，有助肌膚美白，其亦不會因加熱而流失。另外，南瓜中的維生素E亦能夠保持肌膚彈性，防止衰老。 4. 青瓜 講到天然美顏方法，唔少人都會選擇敷青瓜，其實也不無道理，皆因青瓜不僅具有美白功效，其還能消除曬傷和雀斑，並緩解皮膚過敏的症狀。青瓜中的黃瓜酸更能促進新陳代謝和排毒。最重要的是，青瓜中所含有的維生素C，可有助保持皮膚彈性、抑制黑色素形成。 5. 蕃茄 蕃茄含豐富的抗氧化劑「番茄紅素」，其抗氧化能力是胡蘿蔔素的3.2倍、維生素E的100倍，可促進細胞生長和再生，維護皮膚健康。蕃茄更是最好的防曬食物，食用煮熟了的蕃茄，可使皮膚的防曬能力提高33%。 6. 冬瓜 冬瓜有好好的美白效果，每日用冬瓜片敷面或多飲冬瓜湯，能使臉部皮膚變得細滑，還能有效減少黃褐斑的形成。 7. 提子 提子中的葡萄籽具有抗氧化功效，能延緩衰老、維護皮膚健康、阻止紫外線對皮膚的侵襲和預防動脈硬化，其中的酚花青素亦有美白作用。 8. 奇異果 奇異果含有30種以上的維生素和礦物質，是屬於高營養密度的水果，其中的抗氧化維生素含量均高於水平，維生素C的含量更是每100公克就有87毫克之多。適量食用奇異果唔單止有助清除自由基、抵禦紫外線傷害，仲可以令肌膚唔易老化和有一定嘅美白功效。 9. 木瓜 木瓜含豐富維生素C，每100公克就有74毫克之多，其更含有茄紅素，不但能抵抗紫外線傷害，更可減少黑色素細胞的形成，絕對係女士們嘅恩物！ 10. 檸檬 大家都知飲檸檬水可以美白，原因係因為檸檬含有豐富維他命C和鈣質，具有增白潔膚、祛除色斑、緊膚、潤膚、消除疲勞、抗肌膚老化等美容功效。檸檬中的果酸成份亦可軟化角質層、祛除死皮、促進皮膚新陳代謝，難怪檸檬會被用作不少化妝品和護膚品的原料。 除咗美白產品，其實食蔬果都一樣可以護膚美顏，以後大家就可以慳返筆啦！ 文：Noelle 更多打工仔分享，追蹤 ECjobsonline 專頁 或 瀏覽 www.ecjobsonline.com
