早排去7-11見到呢兩款味道嘅薯片,我第一次見,唔知出咗幾耐呢?之前淨係試過Meadows黑松露風味/洋蔥酸忌廉味薯片,黑松露我全家都幾鍾意食,曾經有諗過買一箱回家🙈🙉🙊扯遠咗~講番呢隻「紐約式芝士漢堡包」V切薯片($5.9) 未開封前我以為係calbee pizza味差唔多,點知食第一片竟然真係漢堡包味!!!好似食緊分子料理咁(誇張咗啲🤣)至於另一款「布法羅辣雞翅味」V切薯片($5.9) 即係水牛城雞翼味啦~嗱~~~買之前我有猶豫過,諗會唔會同珍珍辣味差唔多,本來唔想買嫁,不過心諗未試過就當試下新味啦...我食過嘅水牛城雞翼係辣嫁,但呢款薯片唔覺得辣喎,唔通又係因為我食得辣🙈(我姪女話有少少少辣)薯片隻味有啲熟悉,唔記得食咩嘢食過,但肯定唔係令我想起水牛城雞翼嘅味道🙊(當然都唔係珍珍辣味薯片嘅味道XD)如果同漢堡包味比我會想食水牛城雞翼味多啲,等清晒屋企啲零食後會再去買多包回憶下究竟係邊種熟悉食物嘅味道🤫Instagram:https://www.instagram.com/darkmoonxox