大份D又去參加化妝班, 證明無論C9,少女,定阿婆, 女人天性就是愛美. 比起十年前, 而家化妝真係日常生活時, 好多美女十幾歲已經深明化妝之道, 濃淡妝都難唔到佢地. 只係講到尾, 化妝就係將色素放上面, 十幾歲到幾十歲, 個個都日日化妝, 就算你係卸得好乾淨, 多少仲係傷皮膚. 而SK-II睇準呢一點, 近年發展出SK-II COLOR,行多一步, 讓化妝反而成為護膚最後一個STEP. 相信大家對ANGELA BABY呢位化言人都唔默生, 今次化妝班就係以佢面上嘅妝容為目標, 化一個春夏最靚嘅新妝. 今次個化妝品唔係去SK-II BEAUTIQUE, 而係一間WORKSHOP裡面, 環境開揚一D, 人都舒服D. 活動係SHE.COM同SK-II合辦, 佢地仲好好咁安排咗茶點俾我地開始前食. 化妝班, 唔少得就係DEMONSTRATION, 由SK-II導師BONNIE一個個STEP教我地. 其實SK-II COLOR同其他品牌最唔同, 當然就係佢地嘅PITERA-IN. 化眼妝之前會用PITERA-IN打底. 一來係令眼妝貼服, 二來當然係提升膚質. 可以成個眼皮加眼尾都用手指輕輕點上去. 跟住每個眼影盒都有兩色. 深色會用海棉頭, 淨係喺眼尾畫上去. 輕輕BLEND埋上眼窩, 但只限眼尾!!! 然後就係畫眼線….秘訣….係工多藝熟XD, 好似好廢話, 但其實係不二之法. 因為係春夏妝, 建議只畫上眼線, 下眼線就用上粉紫色眼影代替, 令整個妝SOFT一D. 想自然D, 可以只畫內眼線添. 之後再可以夾睫毛. 不過唔講唔知, 開頭我以為佢係粉底, 眼影同胭脂先有PITERA, 但原來連眼線筆同睫毛液都有. 真係一路化都喺度保養緊. 點擊圖片放大 +2 眼妝化得七七八八, 就可以上胭脂, 依然唔少得有PITERA-IN, 用嚟護膚, 同時打亮眼肚位置. 假如想有瘦面效果, 就可以用上出下入嘅手法係權骨位輕掃. 但若果想要可愛效果, 就要係蘋果肌(即係笑時突出嚟塊面豬位)度打圈圈. 點擊圖片放大 然後就簡單用唇膏順住唇紋咁搽上咀, 咁可以消紋, 令咀唇飽滿. 因為唇膏有PITERA, 唔需要額外搽定潤唇膏, 亦無需搽LIP GLOSS都夠令. 聽落好簡單, 自己做起嚟又點呢?? 唔驚, 佢地平均兩個人就有一個BA喺隔離指導. 由素顏到FULL MAKE UP, 你地覺得我有幾多分呢?? 我自覺都值75分. SK-II 嘅彩妝用起嚟真係唔乾兼LONG LASTING, 惟獨是D色唔算太上色, 真係要畫多幾下先得. 我地上堂上到六點半, 但係我個妝就KEEP到夜晚臨瞓前. 嗰晚連小魔怪偷偷同我講話媽媽嗰日好靚, 呵呵呵呵~~~~!! 你地打幾多分都唔緊要, 我滿足架喇.
