早兩個月, 出過兩三次豬頭相俾大家睇. 原因係敏感. 我本身天生天養粗生粗養, 一直都冇好認真留意護膚品成份, 但見過鬼就怕黑. 近來真係唔敢亂嚟. 因為美白成份較刺激, 好多人都叫我唔好再搽美白嘢, 做多D保濕, 等皮膚休息下. 確實, 比起冬天, 夏天有時真係會忽略水份重要性. 其實莫講話我皮膚敏感, 就算唔係, 都應該做多D保濕. 可以嘅亦都想用返D天然產品. 市面有好多天然BRAND, 但價錢都唔平. MELVITA 剛好出咗新LINE – 高山玫瑰水凝系列, 就試咗佢一試, 講嘅係MELVITA 高山玫瑰水凝啫喱. 包裝MELVITA較平實, 泵裝, 膠瓶. 但存氣做得幾好. 水凝系列, 質地果然較水. 一堆就覺得好似掂到水咁, 零負擔. 薄, 但係水以外有滋潤感, 唔會油亦唔會搽完一陣就冇哂料到. 佢用上法國同伊朗嘅高山玫瑰, 香得嚟算清. 唔好睇少伊朗嘅玫瑰, 伊朗其實係有玫瑰之鄉嘅美譽. 用得一輪, 確實塊面冇咁乾亦冇咁紅. 因為有花香味, 仲覺得好relax 講得上系列, 當然就唔會得一隻水凝啫喱, 同系列仲有cleansing milk, micellar water, 同埋同樣做潤膚, 不過係晚間用嘅水凝蜜霜. 或者你以為, 試用文未必信得過. 不過想話你知…試用前我已經睇中咗, 而家有敏感, 我真係睇清睇楚d成份, 肯定有益唔刺激先買…仲買咗一大抽返屋企. 有花水有新系列嘅micellar water. 個micellar water真係唔錯. 佢唔係單單做toning, 而係有一定嘅潔淨度. 用咗之後皮膚軟返濕返, 暗粒都少返d. 當中更重要, 就係信得過嘛. MELVITA係有哂BIO保證同ECO CERT. 詳細係咩CERT唔講, 簡單嚟講就係高度品質檢測咁上下, 力證天然咁啦. 個水凝啫喱貴少少, HK380/40ml. 但以天然有機產品嚟講, 其實唔係真係好貴. 佢個micellar water更只係HK250/200ml. 我係真心推介俾大家. 仲有值得一提, MELVITA 嘅 BA都好有良心. 原本佢地水凝蜜霜係皇牌, 都賣到成HK450/40ml. 但佢冇sell我, 仲同我講, 我而家有暗粒, 唔太適合用, 推介我單用micellar water配合其他面霜, 用好咗塊面先再考慮. 大家有興趣, 大可放心去同呢d 咁nice嘅BA請教一下.睇啱先買未遲.
