之前試咗好幾款BB cream, 唔3顏色唔match, 就係質地太焗, 再唔係就太透薄, 真係仿如無物, 搽嚟唔知做乜, 防曬度亦大多係廿幾三十度, 預你一般Office坐坐就好喇. 其實而家好多foundation都有護膚功效, 所以其實唔太明BB cream個selling point係乜. 反而今次試SUN KILLER有色太陽油…喂, 我覺得無論係色都質地比起好多BB cream好好~~~~~~~~多呀! 先嚟張合照 再嚟張單人相 試上手, 睇到d色比較深, 但係質地稀薄.易推. 推上面, 竟然有一定遮瑕力. 真係要再講…好過好多BB cream. 圖一: 點上面 / 圖二: 推開 / 圖三: 搽好半邊 / 圖四: 左右邊對比 / 圖五: 右邊素面 / 圖六: 右邊都搽埋. 想像一下去沙灘, 冇理由搽foundation架? 又唔想素顏上陣, 仲要唔想俾太陽曬到面黑黑. BB cream….我都係覺得唔得哩. 我覺得SUN KILLER呢隻真係必備. 搽返個有色潤唇膏, 又自然又防曬. 不過, 佢始終係太陽油, 上面有少少油感. 但係亦因為咁, 佢防水力比較好. 我而家癲仔到返工會攞佢嚟用. Office有冷氣雪住, 基本上都唔算好出油, 到下晝要用紙巾印下咁囉. 除咗有色太陽油, SUN KILLER仲有好幾款唔同功效. 我仲試埋佢個納米透明. 同樣, 質地係稀薄易推, 亦帶一點油感. 推開好快吸. 不過比起先前台灣入手BIORE, 佢就略遜一籌. SUN KILLER用完係有D乾乾地. BIORE就真係好水好舒服, 一樣有SPF50同PA+++. 但係你用喺戶外活動, 要防水防汗, 佢就比BIORE好. 每款都係幾十蚊, 唔太貴, 但係就得30ml. 一隻手已經攞得哂兩支. 但係有色嗰支, 你諗返d BB cream咩價錢, 你就會覺得好抵.
