細個時, 媽媽會同我地用滴露沖涼. 唔知係我地咁污糟要用滴露殺菌, 定係有病時覺得咁樣衛生D. 後來先知, 滴露係品牌名, 實際上係原來係消毒藥水. 唔記得咩原因, 只係記得, 曾經好鐘意呢種味. 尤其喜歡當佢倒落水時, 由啡變白, 覺得好有趣. 時移世逆, 而家新一代可能好討厭呢種味道, 覺得係一”浸”醫院味.. 由之前出清涼沐浴露, 喺觸覺上令人改觀之後. 實際上我亦有用過一陣子, 涼冰冰嘅感覺, 夏天時用係幾好玩. 最新NATURAL系列, 就連嗅覺都要帶俾人新嘅享受. 今次經the ztyle, 有機會先試為快. 仲一次過試哂三種, 分別係: 滴露 natural滋養柔潤沐浴露 650g (價值:HK$35.9) 滴露natural舒緩寧神沐浴露650g (價值:HK$35.9) 滴露 natural草本呵護沐浴露650g (價值:HK$35.9) 系列標榜升級清香, 我一攞到手, 未返到屋企, 其實就已經急不及待打開嚟索. (其實我唔打開, 佢都已經彈開哂d蓋...+__=) 倒出嚟, 三隻嘅外觀差不多, 唔多分辨到. 但係, 憑氣味, 你一定分得出. 佢唔係普通嘅香….係爆香, 勁香, 超香…..可惜, 係攻鼻嘅香, 唔係人人接受得到. 當中”舒緩寧神”嗰隻較清, 易接受d. 草本呵護…..我真係唔識形容, 總之冇辦法愛上, 滋養柔潤就好甜好甜, 但係”梗”嗰隻. 不過確實, 係一d都冇滴露為人熟識嘅消毒藥水味. 其實夏天, 一般會想用爽身d嘅沐浴露. 以前用過Dove, 佢話冬天ok, 夏天真係好似攞lotion沖涼咁, 會生暗瘡. 但係用番梘又過乾, 我又頂唔住. 而家仲有有濕疹嘅阿仔, 普通嘅對佢又好似唔夠潤. 我們這一家….真係好麻煩. 所以都係對我嚟講都係搏一搏, 希望搏到單車變摩托. 當我攞到返屋企, 由阿仔犧牲色相演出, 率先幫我試最潤嘅滴露 natural滋養柔潤沐浴露.可能小朋友鐘意香甜味, 反而對阿仔嚟講, 佢好似幾受咁. 喂, 阿仔, 係攞佢嚟沖, 唔係幫佢沖呀~~~ 你睇佢用得幾high~~~ 可能隻香味對佢嚟講真係好甜, 佢鐘意攞嚟吹泡泡玩….仲走去試下好好味=___=. 好彩我喝住佢. 點擊圖片放大 +3 一路沖, 我就一路留意會唔會對佢唔夠潤, 其實佢真係冇Dove咁潤, 不過同時亦冇咁立. 感覺會好似乾淨d, 但並冇扯乾水份. 幫佢沖完印返乾, 唔會”鞋拾拾”咁, 最少叫做冇再”R”身”R”勢. So far用咗幾日, 佢d皮膚似乎幾受落. 加上滴露一向殺菌做得好好. 小朋友成日四圍摸, 用佢又真係好似放心D咁嘅. 見阿仔用得咁高興, 我都有攞嚟試. 我受唔住太強烈嘅香味, 走咗去用滴露natural舒緩寧神沐浴露. 我當然唔會好似阿仔咁露. 只係邀得我個膊頭友情客串. 上手泡沫ok豐富, 洗完冇natural滋養柔潤沐浴露咁潤. 不過佢有舒緩作用, 冇咁易起敏感 曬完太陽用佢就應該啱啱好. 除咗我同阿仔, 我唔願意出鏡嘅老公都有用. 出奇地, 佢都係用返natural滋養柔潤沐浴露. 可能係唔想開太多樽喺洗手間. 佢用完我係咁問佢: 好唔好用呀??邊隻好d呀? 之前Dove?定係johnson??定係邊隻. 佢答: OK啦,冇特別. …………唉, 男人!! 不過冇特別, 就即係過到關. 因為假如佢唔鐘意嘅嘢, 佢一定會爆響口, 斷唔會咩都唔講. 基本上呢個系列. 我覺得唔係話佢比起其他品牌特別好, 但係佢攞喺清潔, 滋潤, 同乾淨當中攞咗一個幾好嘅平衡, 又唔貴. 一家大細用係唔錯. 惟獨是, 我對滴露嘅情意結, …我可唔可要keep返個效果, 但係唔要佢D香味, 要返消毒藥水味架???
