早前都有見過其他BLOGGER 介紹過呢隻MASK, 有D話幾好, 有D話唔夠補濕, 有D話起粒粒. 究竟, 係點呢? 我都嚟親身試一試. MASK HOUSE 出身韓國, 但佢嚟一到香港已經入鄉隨俗. 有中文說明. 呢點看似無聊, 但我覺得其實幾重要. 就算我之前敗ISA KNOX, 佢嚟咗香港都好耐, 但依然係全韓文包裝….大佬, 就算韓風幾強, 我估都唔會個個都識韓文囉. 有D有圖還好, 冇圖嘅…用法真係段估. 打開packing, 佢係d咩生物纖維質地, 有d似gel mask軟腍腍. 要handle with care. 回到正題, 呢隻MASK主推有幾點, - 1)蜂毒, 聲稱有天然BOTOX美名, 咁即係提升面部輪廓啦, 仲話可以抗氧, 咁就即係美白啦; 2)TCD 技術, 全名Transdermal Cosmetic Delivery 大致意思係可以好快將面膜成份送入皮膚低層; 3) 活性肽, 呢個係令皮膚緊緻嘅元素, 不過呢隻面膜被sell時, 好多人都無留意佢嘅存在. 上面, 佢精華素唔多, 喺袋攞出嚟唔滴, 袋入面亦冇乜剩低. 分上下兩塊其實係貼d. 有blogger覺得佢敷唔到眼位鼻位. 佢眼位確實幾大, 但你見我其實調整得宜, 係敷到眼袋, 鼻位覆蓋亦ok. 佢少有地喺下巴位有接, 你稍將兩邊往中間推, 咁自然鼻位唔會有太大空隙. 我本身幾鐘意呢d質地, 夠貼, 感覺上亦冇咁快抽乾. 敷咗一陣確有溶喺面到嘅感覺.有姊妹話佢唔夠濕, 實在我覺得佢唔係主打補濕, 何苦要迫佢濕呢? 濕嘅你要搵小蝸牛, 唔係小蜜蜂.. 咁, 大家最關心, 佢效果如何, 得唔得呢? 原諒我唔記得影before, 但就睇after都睇到佢有brigtening 同收細咗毛孔. 同時幾緊緻, 尤其假如你有睇開我blog, 你會知我毛孔頗粗大. 再一次, 若你堅持要問佢有冇補濕….係, 佢係冇. 專心d咪好囉, 做乜成日都要萬能呢? 不過, 咩係赤的疑惑?....... 係敏感. 其實我唔係敷完mask就敏感. 隨後我有用peeling, bubble mask, 美白serum, 好多好多product. 同時係敷mask係兩第三日先起. 只係我除卻呢個product, 其餘都係我之前有用過而冇出事. 醫生問我有用過咩新嘢就惟有係佢…但我用完之後係冇紅, 冇痛, 冇腫. 真係唔知係邊樣先係致敏源. 小心駛得萬年船, 若你本身係敏感底, 我勸你唔好搏. 我事後望返, 呢隻mask係有paraben 同埋 香料(其實都唔多香, 落嚟唔知做乜...), 確係有機會令人敏感. 敏感後我停用一切product. 但我旅行歸來後. 我會冒死再試, 睇下佢係咪真兇.
