呀…..本來冇諗過出post, 但係真係嚇一跳….. 我係c9一名, 同好多姊妹一樣, 常常去攞sample試. 通常冇乜大驚喜/驚嚇, 試一兩次都不能作準出文. 不過, 今次我試嘅係bb霜, 一試上面就嚇一跳!! 一望, 發現乜又係你呀? Lancome? 之前佢隻早晚雙層眼霜嘅微量sample, 令我好impress, 今次佢嘅bb cream, 份量冇之前咁小家子氣. 同樣係1ml, 但係”必”出嚟個份量明顯係比之前個眼霜多. 圖示係我已經用咗一半, 餘下嘅份量. 話說我趕出街, 隨手攞起個bb cream sample, 諗住調調面色, 唔打算化全妝. 見佢寫住SPF50, 無死, 防曬都慳返. 但係一必出嚟, 個色望到偏灰, 睇相已經有色差冇現場見咁灰. 但呢個問題好多bb cream都有. 我assume佢上面之後個色會融和….點知…. 第一, 你會見到我條頸同面係兩隻色, 雖然燈光有影響, 但依稀睇到個粉底係灰裡透紅, 完全唔自然!! 另一邊面未上, 影埋俾大家睇, 隻bb cream同個面色差幾遠. 我唔夠時間卸咗佢由頭再嚟, 惟有攞個foundation brush出嚟係咁掃薄佢. 但係掃完之後, 都係好鬼白. 啞哂. 不過話分兩頭說, 佢個質地係好水, 得嗰少少bb cream, 個掃上完之後亦一樣好似浸過水濕過咁. 我事後出街都叫過大半日先出油. 結論: Lancome 嘅product質地好好, 佢d護膚嘢應該好得. 但唔知係咪因為佢主打係歐美市場, d 有色product嘅顏色真係令人……或者係我塊面太黑掛. 講開, 近日入手兩支掃, 靚靚度買, BA聲稱日本內銷牌子. 但我識少少日文, 喺YAHOO JP度search過係全無踪影!! 毛係纖維, 唔係動物毛. 不過對於唔pro嘅我, 算係幾好用. 一支係168, 另一支係128, 原本覺得貴, 轉身就走. 但係BA小姐嗰時就話我知: 而家做緊買一送一, 好抵架~~…開頭問你唔一早講, 唔老實!!! 之後佢仲送咗個袋仔俾我裝住兩支掃. 好過冇啦 Anyway, 百幾蚊兩支….hmm….還可以啦. 點擊圖片放大 +3
