2011年尾, 收到一個EDM, 改變咗我一……頭亂髮. 講緊係Cosmpolitan x VS Sassoon 變髮潮人個活動. 開頭諗, 呢d咁筍嘅活動, 應該唔論到我, 但可能呢個活動佔用working days, 少咗競爭, 幸運之神就臨到我, 而代價, 就係三日annual leave.!! 可能就係以下日程, 嚇退唔少人. Date Call Time Purpose 3-Jan (Tue) 4:00pm – 6:00pm Wardrobe and fitting 4-Jan (Wed) 9:00am – 1:00pm Hair styling 5-Jan (Thu) 2:00pm – 6:00pm Shooting in cosmo Studio 6-Jan (Fri) 11:30am – 4:00pm VS event 雖然係好花時間, 但以我呢類c9嚟講, 呢d 活動係鞋得參與, 見識到各夢幻行業(editor, pr, make up artist, stylist) 嘅認真同辛苦. 佢1月29號通知我抽中咗, 即時就要確認所有日程都要出席到. 放完大除夕, 我就要準備變身. 呢張就係我send去參加嘅相. 其後佢地request要提供正面半身同全身相(仲要白背景), lunch即刻跑去H&M試身室度偷影 :P 跟著是超長文同海圖, 你有心理準備了嘛? 跟我一起經歷大改造過程~~! 3 Jan, 2012 - 4:00pm 約好先到SCMP等, 去到細問下發現是次活動只係挑選兩個人. (I am so lucky~~~!) 原以為係已經買好衫同我地fitting, 原來係一齊去買, 一齊去揀. 之前一位幸運兒安排在我之先去揀衫買衫, 最後就索性叫我去 time sqare 嘅zara會合等待. 比預期遲咗d, 還好, Cosmopolitan嘅Executive Project Editor一早有個慨念, 所以都好快完成. 同時佢亦好nice, 希望活動揀嘅衫,我地之後著得返, 所以亦一路揀一路同我溝通. 當中, 都試咗好幾種唔同配搭. 一諗起之後d衫就係我嘅, 真係一路試, 一路都好興奮. 唔知你覺得邊個配搭好d. 4 Jan, 2012 – 9:00am 因為hair styling喺中環, 仲要唔太熟路, 我係比返工仲要早好多出門. 去到, 見到大部份工作人員都到齊, 而我係早餐都未食. Professional真係唔同d. 佢地先現場再睇你三質(髮質氣質同工作性質), 然後建議髮型, 再睇你接受程度. 雖然我有預佢剪短, 反而佢最後幫我決定咗長過肩嘅髮型. 不過就有好勁嘅color. 同場 仲有VS Sassoon同Yahoo crossover活動嘅參與者. 係一個甜到漏嘅長髮妹妹, 最後, 佢獲得一個ear length嘅短髮, 仲手起刀落… 下一個就到我行刑喇….唔係, 係行”型”先啱. 我洗完頭出嚟, Cosmo另一個幸運兒 - Emily, 亦決定咗係一個短one length 頭. 原本佢係同我差不多長嘅嘅黑髮. 但果然剪後, 人更見清爽型格. 同我剪嘅係上海VS Sassoon嘅Tennessee老師. 佢笑話上海同事叫佢小田田. 剪技雖然高超, 但冇架子. 見到同場其他stylist努力喺度偷師. 小田田淨係同我分area, 都分得好細心,一絲不苟. 剪完雛型, 我已經覺得自己型咗fashion咗. 時間亦已去到11:30am. 接著係染髮, 係Color部門嘅Tony手筆, 人超nice. 你睇Emily, 包咗幾多錫紙!!! 佢係好小心, 一小撮一小撮染, 冒求染得靚, 有層次感.. 頭先講過, 我會有好勁color, 原來Tony幫我漂咗前面, 再染我地稱佢為vidal Sassoon紅嘅色. DONE!!! 睇唔到樣, 係咪仲靚XD. 攪完已經三點幾, PR終止發現我地肚餓 >__<…雖然一班工作人員都唔係早我地好多有得食. 尚未正式造型, 已經好滿意. 非常期待化妝造型後個樣. 待續...
