中咗COSMOPOLITAN x VS SASSOON之後, 換來新形象, 亦換來一頭頭皮. 原因係講緊我事前頭皮狀態都唔好, 為咗靚靚, 喺冇做焗油情況之下, 就去咗染髮. 咁樣, 係對頭皮勁傷嘅事. 出完EVENT之後天氣又乾燥, 即時現眼報, 勁甩頭皮, 講緊成個毫子咁大… 其實我髮質唔係話真係好差, 但大變髮活動, 主要係剪走開义, 染靚頭髮, 髮質係冇改善到, 而我之前係兩年冇剪冇焗留到超長冇營養, 會比較毛燥. 剛巧中咗BE嘅LUX試用. 雖然我啱啱買嘅PANTENE CLINICARE原本都唔差 (不過染後就STOP唔到我D頭皮, 用CLINICARE之前就用緊LUX嘅去頭皮系列) 當然就係轉嚟試下啦, 據聞呢隻係有BIYOEKI美容液同透明質酸…雖然我唔知BIYOEKI美容液有乜用. 因為之前PANTENE CLINICARE都用得好, 少不免就會比較兩隻嘅優劣. 洗頭前chok返個樣. 全set都係made in japan架, 先嚟張大合照, say cheese~~~ 洗頭前要相理一下, 但用手一梳….你會發現佢係kick住哂. 正打算落洗頭水之前, 發現打唔開, 原來有密封膠條. 打開係白色乳液, 感覺上比較水質. 個頭烏糟, 所以唔多起泡. 不過沖水後都覺得乾淨. 但冇特別感覺, 一般洗頭水. 之前用CLINICARE個受損系列, 個洗頭水係一沖就覺得好似有水份咁. 輪到護髮素, 比較杰身. 直頭有D似D hair treatment 質地咁. 搽上頭, 你會見到好似有少少漿漿地. 要stay喺頭兩三分鐘. 跟住又沖頭啦….點知!!!!!!!!! 嘩, 好誇!!! 之前用CLINICARE都已經覺得係比以前用嘅較滑, 點知呢隻仲滑!!!! 係所有”kick”都一次過鬆開哂, 基本上唔駛我梳. 原諒我大驚小怪, 但我之前d頭髮係可以洗完頭依然kick到梳唔開, 打哂蝴蝶結咁… 最後用埋hair treatment, 果然, 護髮素都咁杰, 呢個就更加更加杰身. (沖涼沖咗一段時間, 個鏡起哂霧…sorry) 反而搽上頭係令令地, 唔似conditioner咁漿. 再洗之後, 頭先d結已經清哂, 所以冇再有extra有d咩感覺, 但係佢呢隻treatment, instruction係叫你日日用….假如你頭髮健康偏油, 我勸你就唔好跟喇. 我平時會由得頭髮自然乾, 唔想用再俾熱風傷頭髮, 但染髮後, 唔快手吹乾, d色會甩到週圍都係, 所以焗住都會吹. 不過吹完, 仍然好順滑. 你睇, 冇再打kick喇. 佢呢個系列叫晶鑽, 我開頭覺得, 呢D都係Promotion技巧, 網名嚟JE. 但用完我知佢都算改得有根有據, top shot睇落, 真係shinny好多. 再zoom近d, 頭毛亦比用之前冇咁飛散. By the way, 頭皮問題亦有改善, 講緊佢唔係去頭皮洗頭水喎. 可能佢水份夠, 頭皮唔再乾就唔再甩. 表現堪稱水準之上. 價錢仲好親民, 每樣都唔過半百. 呢個系列, 我會覺得值得推介俾大家.
