驚覺又一年, 各位blogger過得如何? 一直夢想, 有日能以blogger自居. 但喺呢度, 我覺得自己仍然係美容試用者, 對我嚟講, blogger應該係生活分享, 更應該係生命分享. 希望有日, 儲到有讀者, 就算冇新product試用, 仍然會嚟睇我個blog. 為咗爭取多d接觸面, 開始咗美容分享, 基本上都開心. 因為一班姐妹其實都係真心交流. 只係我貪心, 希望美容以外, 都一樣可以咁樣交流就好. 在此借用大家時間, 自我滿足一下. 我, 自從有咗小朋友之後, 無論生活同生命, 同佢都不能分割. 新一年, 佢由一舊飯, 長大成一大舊飯. 不無滿足感. 只可惜, 佢食極都咁瘦, 可以嘅話, 希望佢再多一點點肉就好. 之前佢過住托兒生活, 今年叫做開始讀N1(其實都係玩JE…) 覺得時光過得太快, 我尚未記牢佢手抱之時, 佢已經開始有自我想要獨立之意, 咩都話要自己嚟. 可能, 每個父母都會覺得自己小朋友係最可愛, 我亦唔例外. 我自問覺得佢唔算係好靚仔嘅小朋友, 不過唔緊要, 男仔 – 唔駛要靚, 最緊要型XD. 佢亦同每個男仔都一樣, 鐘意玩車車. 我懷疑佢鐘意車, 唔係因為天性, 而係我唔能夠俾一個好嘅成長環境佢. 佢唔太常接觸到大自然, 每日都係返學放學過天橋馬路, 生活接觸到嘅, 除咗車, 還係車… 不過都好, 佢唔太好卡通人物, 對於佢. 麥當奴叔叔可能仲比其他卡通人物熟識=__= 我俾唔到咩資源佢, 就算讀書, 我亦俾唔起錢入咩名校, 無家底亦無關係可拉. 想入好學校, 就睇佢自己資質努力喇. 反正, 比起成為一個叻人, 我比較希望佢成為一個好人. 有個開心快樂嘅童年, 等佢有力量, 有溫暖, 支持佢走人生路就好. You are the sunshine of my life, that’s why I’ll always be around. You are the apple of my eye, forever you’ll stay in my heart.
